八木橋日式燒肉

Open Now

Now Closed

同老公今日食燒肉，一個最貴既餐，但絕對值得，因為有和牛任食，連甜品都有Häagen-Dazs雪糕任食，真係高質到無朋友！A4和牛😻唔同部位既和牛呢度都齊，三角腩，肩胛肉，和尚頭，後腰肉，有啲聽都未聽過，最深刻係和尚頭，牛後腿内側位置，脂肪較少，但肉味香濃，食落幾有咬口，和牛肉香係口入面爆發出黎，絕對係享受和牛既極致呀！A4香蔥薄切岩手和牛😺薄切既和牛同樣出眾，和牛肉質好柔軟，牛味亦好突出，薄薄既牛肉加上香蔥去燒味道更濃，再點埋月見汁，濃香既牛味混和蛋香，簡直係另一層次呀！A5和牛西冷😽呢個係一次性既，但上枱見到果陣真係覺得好抵，因為好大塊，西冷肉質油脂分佈完美，鮮紅肉質，油花細緻均勻，一食就感受到果種幼嫩細滑，肉味又濃，爽爽的！海鮮😸唔同既海鮮都係任食，好似鮑魚，青口，扇貝呢啲，海蝦都係，全部都夠晒新鮮，啲蝦好彈牙，全部都好鮮甜，高質海鮮黎！其他肉類😼呢度雞翼黑椒腸呢啲都係任食，雞翼又係單骨雞翼又醃佐唔同既味，美味的！