Video
Read full review
2020-01-12
102 views
見好耐無食過放題，年尾就同個大食friend放肆一下，去信和買完毒毒模型後，行去雅蘭隔離胡社生行，啱啱好夠鐘食宵夜嗰轉😌，平啲嘛，同埋可以食到餐廳收舖，唔使趕住交枱比下一輪，但可能阻住人收工🙊。去到雖然唔使等位，但都發現坐滿哂人！店員好好，見有四人枱啱啱執好，就安排我哋坐！胃口頓時大開，因為唔使驚張枱唔夠位擺，可以大擦一餐😝。點餐紙好鬼大本好厚，有成13-14版，每版叫一樣都有排食！嗱嗱聲點第一轉先，之後再出去行下睇下有乜飲有乜食。飲品櫃有成好幾座，有勁多款枝裝茶揀，啱哂消滯👍，仲有好多韓式罐裝飲品。當然可樂、檸檬茶嗰啲都唔少得，啤酒亦有🍻。除咗雪櫃外，熱櫃都有，入面有鮮奶、維他奶、薑茶等，飲完暖笠笠。另外🍵茶包亦提供比你慢慢自己沖。比較估唔到就係連熱清酒🍶、梅酒等都有得任飲，梅酒甜甜哋唔錯！不過有唔少杯仔個邊都崩咗，都小心揀。行完一轉啲食物已經上咗唔少，好彩坐四人枱，哈哈😄。首先係刺身，拼盤賣相雖然唔算好澎湃，但都幾唔錯。我哋每款🐟刺身都叫咗2片試下，好似得1-2款無咗。除刺身外，有我至愛嘅火炙壽司系列😍，火炙香蔥三文魚腩壽司同火炙蒜香牛肉壽司，2樣都好味。🍣壽司飯細細粒，唔會塞到飽
見好耐無食過放題，年尾就同個大食friend放肆一下，去信和買完毒毒模型後，行去雅蘭隔離胡社生行，啱啱好夠鐘食宵夜嗰轉😌，平啲嘛，同埋可以食到餐廳收舖，唔使趕住交枱比下一輪，但可能阻住人收工🙊。
去到雖然唔使等位，但都發現坐滿哂人！店員好好，見有四人枱啱啱執好，就安排我哋坐！胃口頓時大開，因為唔使驚張枱唔夠位擺，可以大擦一餐😝。點餐紙好鬼大本好厚，有成13-14版，每版叫一樣都有排食！
嗱嗱聲點第一轉先，之後再出去行下睇下有乜飲有乜食。飲品櫃有成好幾座，有勁多款枝裝茶揀，啱哂消滯👍，仲有好多韓式罐裝飲品。當然可樂、檸檬茶嗰啲都唔少得，啤酒亦有🍻。除咗雪櫃外，熱櫃都有，入面有鮮奶、維他奶、薑茶等，飲完暖笠笠。另外🍵茶包亦提供比你慢慢自己沖。比較估唔到就係連熱清酒🍶、梅酒等都有得任飲，梅酒甜甜哋唔錯！不過有唔少杯仔個邊都崩咗，都小心揀。
8 views
0 likes
0 comments
5 views
0 likes
0 comments
3 views
0 likes
0 comments
6 views
0 likes
0 comments
5 views
0 likes
0 comments
1 views
0 likes
0 comments
[圖片打直第二行]：滋味一口芝士1粒🤣，放題好處就係數量可以嗌一。芝麻雞翼1隻🐔，雞全翼嚟，好食，但飽肚。牛油炒粟米🌽，啱小朋友(即係我)食🤣。
[圖片打直第三行]：燒有機日本蕃薯仔🍠1串2粒，可以一人一粒。虎蝦天婦羅🍤，尚算大隻。溫室南瓜天婦羅🎃、帝王蟹棒天婦羅🦀，炸得唔錯，食得出係即炸。
自助區除咗有飲品外，仲有唔少熟食同熱食，種類䌓多，例如牛腩同雞球等，啱哂長輩級👴XD。同時，餐廳亦不乏冷盤如蜆、蝦、日式前菜等。呢到連朱古力🍫噴泉都有，可以點生果同棉花糖，但建議最後先玩，因為好漏下。
3 views
0 likes
0 comments
甜品方面，主要喺2個甜品櫃到拎🧁🍮。全部都細細件，幾精緻，胃食嘅我哋差唔多每款都拎咗件。印象中全部都無過甜嘅問題，其中紫色嘅香芋同綠色嘅蜜果味布甸🍈最好食。
4 views
0 likes
0 comments
🎊彩蛋就係一人有一客雪糕，Haagen Dazs/Movenpick/Dryer’s三揀一🍨，一杯平極都要廿幾蚊，值回票價。其實食兩食就已經好飽，真係眼闊肚窄🙈，但有啲食物真係幾好食，所以encore咗，包括牛肉他他、鵝肝、火炙壽司、天婦羅蝦等。
4 views
0 likes
0 comments
總括嚟講，呢餐真係大滿足😋，捧住個肚腩走。如果要食放題，呢間一定on the list，性價比高！邊個話放題唔可以好食呢？
Post
