御滿屋日本料理

Open Now

Now Closed

今次同朋友仔去到旺角區食日式放題，揀咗呢間，整體來講，性價比極高，而且地理位置非常方便，好易搵到，就係地鐵站E1出口一出，再上胡社生行一樓就到。我哋揀咗A餐，120分鐘任飲任食，可以享用77款食品放題，包括刺身、壽司、手卷、卷物、fusion料理、串燒、鐵板、燒物、一品料理、天婦羅、炸物、雪糕等等，仲有免費升級榴槤任食，特別係烤榴槤，味道會更加飄香！任飲汽水、茶、啤酒之外，仲可以無限暢飲清酒同梅酒。一入餐廳門口就見到自助區，擺咗超多款嘅凍盤小食、幾款熟食和炸物，非常豐富。 刺身質素幾好，亦都有好多款揀，特別推薦甜蝦、油甘魚、劍魚腩和御．泰の味冷鮑魚，御．泰の味冷鮑魚係用咗泰式辣醬去調味，味道帶點酸甜，而且非常香辣，值得一食。串燒款當中，牛舌、雞軟骨串和燒菠蘿係必點之物，牛舌香口爽脆，雞軟骨串非常香脆有口感，而燒菠蘿非常新鮮又多汁，可解油膩感。榴槤任食之外，蒜蓉燒生蠔都係任食，上面舖滿蒜蓉，香氣十足。料理當中，雪花牛鍋、蒜香蛤蜊卜卜蜆鍋都非常出色，都係非常足料！薑蔥炒花蟹原隻上，而且味道非常鮮甜。雪糕區都有好多款式揀，特別係本地雪糕CoCo Berry，有好多味道可以揀，推薦豆腐味、芝麻