滿屋日本料理 (大鴻輝(荃灣)中心) (Closed)

刺身選擇好多，剔幾多真係有黎齊，食落都好新鮮好夠凍，唔錯。壽司款式都好多，魚生都唔會太薄，同飯嘅比例都合理最鐘意都係火炙壽司系列，芝士再加上沙律醬真係無得輸！！天婦羅上枱都係新鮮炸起，炸皮好脆，亦都唔會太厚，幾好。食放題好鐘意食嘅西京燒，煎到外脆內嫩，帶少少醬油香。羊架都係放題必食之一！肥羔比例適中唔會太疆。牛柳粒份量有啲細，但都幾嫩，可以叫多幾份串燒種類都好多，但我地淨係食左雞軟骨同牛舌。炸薯餅就無乜特別啦，正常薯餅質素哈哈。最後仲有一人一杯哈根達斯！當然食焦糖脆餅！呢間我地星期日去都唔係好多人，坐得好舒服，全程都無漏單，價錢性價比都幾高！