鳥海山鐵板燒 (Moved) New Location

想搵間鐵板燒慶祝特別節日，朋友介紹依間位於長沙灣嘅鐵板燒餐廳。二人前套餐只需$948性價比高，食物質素屬中上，環境又闊落所以好抵食啊！先來份沙律開開胃。是日精選刺身拼盤有四款刺身，由白身魚開始，真鯛魚味出魚肉柔軟，愛女魚口感爽啲亦相對清甜，我地最愛油份高嘅池魚，魚油香氣最令人難以忘懷。最後品嚐帶子，用上山葵調味最特別，味道適中唔嗆喉。銀鱈魚一入口係魚油香氣，肉質厚實，外皮煎得香脆。龍蝦原隻龍蝦去炮製，起肉後一粒粒一口大小讓客人可以慢慢品嚐，龍蝦醬望落好濃，原來用咗龍蝦膏調埋個醬汁，濃香度達到極致。龍蝦肉新鮮爽彈，龍蝦身仲有啲肉最後可以刮嚟食埋。依個價錢嘅套餐有咁大份嘅龍蝦真係親民價！牛肉薄燒最可以試到師傅功架嘅一道，薄薄牛肉要燒到剛好先唔會柴/太生，依度燒到面頭帶點焦香肉味不減，內裡滿滿蒜粒同蔥花點綴不少。炒飯好乾身粒粒分明，有櫻花蝦香蔥等材料，蛋液同飯粒融合得好完美，忍唔住讓人不斷扒飯。炒芽菜芽菜炒後依然保留口感，唔會太油，平衡了其他鐵板燒項目。我更愛一口飯一口芽菜，口感仲提升了。麵豉湯不少得暖暖胃的湯品，整體不會太咸，好容易就飲光了。