Read full review
2021-08-04
1277 views
裕民坊3樓出去花園之後第三間嘅食肆就係今日嚟嘅十二味。本身十二點幾嘅時候經過頭一兩間都見冇乜人幫襯，以為呢度都冇咩嘢好食，結果一行過呢度就見有九成滿，咁我梗係拉埋個friend即刻狗衝入去。然後我哋一坐冇耐，就開始見出面排緊隊等位，so lucky🤟🏼水煮牛肉（$58）本身就超級鍾意水煮湯，滑牛肉真係好嫩滑，唯一小缺陷係食到唔夠喉！但水煮湯嘅辣椒香濃，清爽得嚟又夠辛辣，湯底比100分酸菜魚（$68）酸度令辣味冇咁出，適合唔食得辣嘅朋友。驚喜嘅位係魚落得非常非常非常多，真心食極都仲有。加上啲魚本身都好滑好大舊，食得好爽好夢幻，心諗有冇咁筍，又抵又好食又大份！？（真係有）酸菜肥牛麵（$58）肥牛量max！麵底係寬麵，好大碗，包你食到飽。除咗酸菜都有娃娃菜，肥牛又比咁多，抵到爛。桂花冰釀（+$8）類似桂花冰粉嘅味道，不過係飲品version，想食甜品又唔想食嘅人啱曬呢杯。熱情果蘇打（+$8）呢個份量真係shockingly熱情，泊埋喺紙包檸紅茶隔離真係冇對比冇傷害。而且大杯得嚟都仲好夠味喎！啖啖都飲到熱情果籽，正！兩個人，三碟主菜，加埋特飲，食到飽都係$200，每人$100咁嘅質素咁嘅飽足程
然後我哋一坐冇耐，就開始見出面排緊隊等位，so lucky🤟🏼
水煮牛肉（$58）
本身就超級鍾意水煮湯，滑牛肉真係好嫩滑，唯一小缺陷係食到唔夠喉！但水煮湯嘅辣椒香濃，清爽得嚟又夠辛辣，湯底比100分
酸菜魚（$68）
酸度令辣味冇咁出，適合唔食得辣嘅朋友。驚喜嘅位係魚落得非常非常非常多，真心食極都仲有。加上啲魚本身都好滑好大舊，食得好爽好夢幻，心諗有冇咁筍，又抵又好食又大份！？（真係有）
酸菜肥牛麵（$58）
肥牛量max！麵底係寬麵，好大碗，包你食到飽。除咗酸菜都有娃娃菜，肥牛又比咁多，抵到爛。
桂花冰釀（+$8）
類似桂花冰粉嘅味道，不過係飲品version，想食甜品又唔想食嘅人啱曬呢杯。
熱情果蘇打（+$8）
呢個份量真係shockingly熱情，泊埋喺紙包檸紅茶隔離真係冇對比冇傷害。而且大杯得嚟都仲好夠味喎！啖啖都飲到熱情果籽，正！
兩個人，三碟主菜，加埋特飲，食到飽都係$200，每人$100咁嘅質素咁嘅飽足程度真係可遇不可求！
———————————————
#十二味
十二味 (裕民坊YM²) (觀塘)
觀塘協和街33號裕民坊YM² 3樓308號舖
Post
