滿屋日本料理 (大鴻輝(荃灣)中心) (Closed)

前幾日入左荃灣搵食，朋友推介呢間放題俾我，話性價比無敵，醒起佢月尾生日🎂一於同佢去大開食戒先🤣🤣呢間放題有A-D餐俾你揀，分別係A:經典（73品）、B:匠選（89品）、C：豪華（102品）及D:極致（110品）價錢由$248-598都有，可以滿足唔同人需求☺️至於我，梗係揀個極致賀佢啦，雖然有少少肉赤😅😅不過性價比真係無敵，好推薦👍呢個餐最正係有好多貴價食品，包括鮑魚、大拖羅、超新鮮海膽，出面食一件已經唔平，呢到嘅質素係新鮮到不得了😋😋佢哋其他食物質素都好新鮮，又夠熱辣辣出邊仲有自助花可以俾你拎冷盤、小食、小菜、沙律、前菜及甜品，仲有雪糕雪條等….不過最得我心一定係佢嘅松葉蟹腳刺身，估唔到非常鮮甜💯後悔開頭點太多飽肚食物，否則一定食到夠本；另外花膠一份都好大碟，成碟係滿曬架🙀🙀好癲，好似唔使本咁🤤🤤當日我地平日晚市去到，裏面座滿人，但係店員工作效率非常高，無漏單、收碟又快，相當抵讚👍💯呢次可以話係我近期食過最好食嘅放題，下次可以encore佢地其他餐😚😚📍 滿屋日本料理 (眾安街) (荃灣)荃灣眾安街55號大鴻輝(荃灣)中心10樓