養心殿台式養生鍋 (Closed)

我食過旺角嗰間養心殿，一直都不忘佢嘅美人鍋所以今次要再嚟尖沙咀分店再食多一次！。尖沙咀分店貫徹返甚具氣派嘅中式古典裝潢，通花屏風做分隔，有私人空間感同時亦容易被員工見到，有需要的話一舉手就有親切嘅員工埋黎幫手。湯底可以揀鴛鴦，當然要食盡兩款啦！一邊係麻辣湯底，叫左中辣。超香濃足料！材料完全覆蓋哂見唔到個湯！除左香料，湯底本身跟埋鴨血同超索味嘅凍豆腐，可以唔使另外叫，麻辣湯啱哂好辣重口味人士。另外半邊係美人鍋，呢個湯底真係超甜，因為入邊有成半隻烏雞加各種藥材煲成，藥材味唔太重，反而個味偏向係濃郁雞湯，最重點係加左桃膠，桃膠又有益，又索味，真係多多都清得哂！由於湯底本身足料，所以火鍋料方面可以調整返。牛肉有好幾種，今次揀左手切牛。叫細份都好大碟，手切牛脂肪同肉比例非常好，唔會太油膩又唔會太瘦變得”鞋烚烚”，口感鬆化加上好重牛味，好正！考慮到咁正嘅湯底一定要叫索味嘅料，所以叫左響鈴同炸豆皮。響鈴即叫即炸，上枱熱辣辣脆卜卜，拖一拖湯就食得！而炸豆皮比較小見，比起平時嘅”豆卜”,我更加喜愛豆皮，索味程度比豆卜更高，加埋濃湯就會相得益彰。另外仲叫左個炸午餐肉，真係一試難忘，靚嘅午餐肉炸到脆皮，唔點