72
3
2
2-min walk from Exit N3, Tsim Sha Tsui / East Tsim Sha Tsui MTR Station continue reading
All Branches (7)
Telephone
23699866
Opening Hours
Today
12:00 - 06:00
Mon - Sun
12:00 - 06:00
Payment Method
Visa Master AE Cash UnionPay
Other Info
Open Till Late
Phone Reservation
10% Service Charge
Review (82)
滋補養生鍋 Featured Review
Level4 2018-07-06
2682 views
今日約了幾位舊同事一齊去食呢期都好hit既台式養生鍋打邊爐餐廳座位數目不少,而且古色古香,影相效果不錯而且檯跟檯之間都有屏風隔著有數款不同的養身湯底可選擇,款款都各具特色。由於很多都想試,貪心的我們決定點一個雙色窩除了湯底款色多外,邊爐的肉類、丸、蔬菜類、餃等都有多種款色最後我們點了的雙拼湯底為人蔘鍋(左邊較白色那款)跟美人鍋(右邊)兩款湯底都十分出色這裡的湯底極之用心製作因為湯料十足,滋味人蔘鍋用料絕不馬虎,很多人蔘、龍眼等,湯底很滋補,人蔘味香濃,而且仲有大量豆腐隨鍋附上豆腐於人蔘鍋中浸了一會後,超入味美人鍋都好滋補,有半隻烏雞係入面仲有大量材料老火湯似的係呢度打邊爐沒這麼肥膩油膩,只會感到湯底好足料好滋補把鍋中的烏雞拎左出來,雞肉嫩滑十分滋味而且份量都不少因為開初不知人蔘鍋內都有豆腐,我們都有另外再點,但幸好有多點一份,因為豆腐一層又一層的關係,中間部分能鎖著湯汁所以吃起來一咬下去超多汁,而且豆腐嫩滑最左邊的炸豆皮($38),最上的手工丸類拼盤($108),下方的是做子拼盤($118)炸豆皮我又是超愛,其實佢吃起來似響鈴的口感同味道,都是脆脆的又吸了大量湯汁但佢既特別之處是好大卷好大片,口感比響鈴更佳。而且我都是第一次見有這款炸豆皮,食材幾特別,真的可以一試另外丸類拼盤跟餃子拼盤都是一個拼盤有12粒,每款口味各有兩粒因款式太多,決定不到點什麼好,所以點拼盤確是個好方法,完全唔洗煩款式又多,自己再在鍋中拿自己所喜愛的即炸響鈴,口感一流完全吸入了滋補湯汁,十分滋味炸午餐肉,看似平平無奇,不過經過炸,可以即食或浸一浸湯再吃重點出場了餐廳既肉類真是十分好食羊肉卷快熟,薄薄身的,羊肉味濃,很滋味單看外表已令人讚不絕口了因為雪花分佈的好美及平均入口即溶超級正豪華版打邊爐呢款黑毛豬又係超好味,肉味重,而且我很愛那種不油膩不難咬的口感,肉又沒有筋,真係啖啖肉好滋味這間餐廳用料上盛,雖然價錢比一般的火鍋店較貴,但一分錢一分貨,湯底、食材用料豐盛,絕不馬虎一試便愛上 continue reading
(The above review is the personal opinion of an user which does not represent OpenRice's point of view.)
Level4 2018-07-03
2313 views
經常出入冷氣地, 加上食多荔枝, 有兩聲咳, 雖然係咁,但難得約咗朋友都照出。 呢間台式養生鍋,開咗好多分店,大家都一致好評, 雖然真係好想食佢個美人鍋 ,有大半隻烏雞 ,但感冒初起,唔可以食雞煲,所以揀咗麻辣鍋併酸菜白肉鍋, 味道都相當有驚喜。呢一間嘅湯底性價比非常高, 鴛鴦鍋取其價錢比較貴的,唔會另外加費。當中麻辣鍋附加嘅鴨血同凍豆腐好好味。 鴨血對比豬紅冇咁易碎, 口感較滑, 所以我地最後都另外追加咗一份鴨血。本身淨係諗住打邊爐但見佢小食有鹽酥阿仔, 即刻order,因為唔係間間台式餐廳都有。 鹽酥柯仔同埋鹽酥雞做法差唔多,但做阿仔一定要大粒同新鮮,先可以做到外層酥脆,裡面鮮嫩多汁,呢個就整得好味。丸類叫了芝心牛肉丸及墨魚丸, 價錢略貴但睇得出係鮮打質數高。 芝心牛肉丸內芝士較熨口食嘅時候要小心, 墨丸爽滑。雲吞好大粒, 每粒都用豬肉包住一大隻蝦,蝦肉爽唔梅,略貴,但值得一試。霜降肉眼牛肉唔肥,重牛味, 而且每片卷好,碌嘅時候 比較容易掌握火候唔會過數。什錦蔬有金菇,冬菇,粟米,娃娃菜,唐生菜, 種類齊全 。兩人食咁的份量已經好飽,本身滿心期待甜品有芋圓, 但原來已經沒有了,轉而送雪糕球,有點遺憾。 但總括而言 ,品質非常高, 配料價錢略貴,但第點半後入座有7折,同多d人食抵。 continue reading
(The above review is the personal opinion of an user which does not represent OpenRice's point of view.)
Level4 2018-06-18
2096 views
今日黎到呢排好出名既養身鍋到打邊爐, 聽個名就知打邊爐之餘仲可以養身啦, 點可以唔試呀, 我地叫左個寧神養心鍋$168, 好足料架, 有多種養顏保身既藥材, 烏雞, 魚頭等等….好彩個鍋夠哂大先可以裝到咁多材料JA, 哈哈…我地叫左個蔬菜拼盤, 除左新鮮既菜仲有粟米, 冬菇, 秀珍菇等等……粟米好清甜, 而且仲大大粒TIM.跟住我地仲豪食左幾隻聖子, 嘩….超肥美, 大大隻, 口感爽甜.肉類我地今日叫左厚脂黑毛豬梅花肉, 哈哈…因為已經有雞, 所以只係叫左一款肉類. 因為係薄切關係, 烚一陣好快食得, 口感爽口彈牙, 一D都唔會硬, 而且唔會覺得肥膩, 亦有好香既豬肉味.丸類叫左2款, 一款係墨魚丸, 一款係蝦丸, 每款都叫左半款, 我最LIKE就係可以半份咁叫, 咁就可以食多幾款唔同既野食LA. 而且仲係手打TIM, 所以口感好彈牙, 讚!!哈哈…仲有就係打邊爐點可以無既響鈴呀, 仲要係即炸TIM, 所以好香脆.食物新鮮, 湯底清甜美味, 抵讚!! continue reading
(The above review is the personal opinion of an user which does not represent OpenRice's point of view.)
台式火鍋 Featured Review
Level4 2018-06-12
1812 views
今日跟好友相約去尖沙咀修眉,近近地就四周圍睇下附近有咩美食,點知原來尖沙咀又開咗我最愛嘅台式火鍋店,咁啱好友又未試過,就決定入去回味一下先。呢間分店跟其他店格局差不多,唯獨多咗一個大型水吧枱。我當然二話不說先打卡送飲品,間間分店都有嘅活動,我之前已經食過所以就叫朋友一齊先打卡我揀咗自家製菊花杞子圓肉露,味道清新不太甜,可以清熱氣。好友揀咗咸檸7,味道咸咸地,好有潤喉感覺。先黎我最愛嘅'酸菜白肉鍋',湯底鮮甜微酸,特別醒胃。入面已經有酸菜白肉同寬粉條,白肉爽口鮮嫩,寬粉條QQ彈牙,又好滑嘟嘟。即炸脆響鈴放入湯底淥一淥,保持響鈴本身嘅酥脆,但又沾上湯底嘅酸甜味,外脆內軟,堅正👍🏻老油條本身偏硬身,放湯大約10秒之後,入口爽脆之外仲好有咬口,完全沒有油味,非常香口。(半份)自家製極品水餃水餃份量十足,大大隻,內裏蝦肉爽口彈牙,木耳爽脆,果然極品。手切牛肉(細)牛肉肉質細嫩美味,入口軟淋,牛味濃郁,而且份量都大,抵食👍🏻追加酸菜白肉每鍋酸菜白肉鍋都可以免費追加一份食到尾湯底鮮甜味都keep住不變雜錦蔬菜盤每款蔬菜都好新鮮,而且清洗乾淨,吸收咗湯汁之後仲特別滋味。不知不覺間就食咗2個多小時,真係又滿足又開心。 continue reading
(The above review is the personal opinion of an user which does not represent OpenRice's point of view.)
味覺享受 Featured Review
Level4 2018-04-10
4882 views
自從食過呢間台式火鍋專門店, 隔無耐又掛住佢, 好彩佢嘅分店愈開愈多, 仲要位置方便, 今次黎到呢間, 同樣好易搵到!多種特色養生湯底, 依加設有雙拼湯底, 以較高價錢湯底收費, 同一時間可以試多款湯底, 有辣有唔辣, 好有彈性呀!麻辣鍋以多種香料及藥材, 加入鴨血及凍豆腐, 辣度任你選, 仲加送多一份鴨血比你, 幾著數喎! 想講呢度嘅鴨血口感嫩滑, 唔會一夾就散開, 配麻辣湯底真係好鬼夾!今次試新湯底 - 秘製薑母鴨鍋 ($168), 以老薑, 馬蹄, 冬荀, 當歸, 紅面番鴨 (台灣特產)!  先飲啖湯, 藥材味唔太濃, 飲落順喉, 大量冬荀腍甜, 而個紅面番鴨唔肥又肉滑, 配埋個紅腐乳一齊食都幾好味!LIKE佢Facebook及打卡仲送你無酒精類飲品一杯, 咁簡單動作無理由唔做㗎?  飲杯................劃好火鍋配料就正式進入邊爐時間御選梅花豬 ($118) - 肉色靚仔, 肥瘦亦適中, 片成薄片, 縮短烚嘅時間, 以防有機會而令到肉質變得韌!  其實呢個擔心係唔成立嘅, 食落口感一D都唔嚡口, 肉味幾濃, 無需點醬油都岩味, 唔錯!丸類同餃類分別點左墨魚丸 ($40/半份)及自家製極品水餃 ($42/半份)墨魚丸口感相當彈牙; 自家製極品水餃皮餅餡靚, 豬肉調味得好香, 木耳絲爽口及有鮮蝦一隻, 多重味道及口感蜂巢牛肚 ($88) - 目測相信係已經煮熟, 放入兩面湯底都能索到湯, 一咬湯汁係口腔內爆發 (小心熱湯), 處理得夠腍, 烚一陣基本上已食得!雜錦蔬菜盤 ($68) - 有幾款蔬菜, 又有冬菇及金菇菜, 樣樣有D唔駛煩惱!寬粉條 ($38)係我每次黎呢度都必叫, 烚至透明色就食得, 口感煙韌, 加D藥材湯底已經好味道!已經好飽啦, 侍應問甜品想要沙冰/芋圓?  噢..................第二個胃要開動啦, 呢個黑糖芋圓貫切台灣口味, 為呢餐寫上一個完美句號! continue reading
(The above review is the personal opinion of an user which does not represent OpenRice's point of view.)