老鍋台式火鍋 (京都廣場) (Closed)

打邊爐嘅舖頭多的是，但係我對於呢間確係情有獨鍾，因為佢係正宗嘅台灣味道。湯底就算鍾意食麻辣嘅我，都會喺呢度選擇返招牌酸菜白肉鍋！！！湯底清甜帶酸，裏面有好多塊腩肉，夠爽口又夠腍，亦有蕃茄、粟米、冬菇片，當然唔少得就係海量嘅酸菜同寛粉。（由於寬粉一早已經係鍋底，如果鍾意食硬身少少嘅朋友記住早啲夾上碗）丸餃拼盤有齊墨魚丸、蛋餃、香菇貢丸同魚皮餃，每樣兩粒，特別欣賞蛋餃皮薄餡料多， 墨魚丸彈牙新鮮。肉類叫咗雪花牛肉，呢度嘅雪花完全唔肥膩，橫紋好靚，肉味香濃，睇落好似份量唔係好多，但係實際每卷內藏兩片牛肉！👍🏻👍🏻座位非常廣落，坐得舒適👍🏻👍🏻二人餐好正！！！！好平！！