Video
Read full review
2020-02-10
582 views
眾多燒味入邊，我最喜歡嘅就係叉燒，雖然呢款食物隨便一間餐廳都會有，但煮得好食嘅餐館唔多。叉燒大王，顧名思義就係食叉燒，不負所望，佢嘅叉燒好出色——色香味俱全！絕對值回票價！餐廳位於沙田圍站再行7分鐘（酒店隔離），從地理位置嚟睇，主要都係做街坊生意，不過服務同埋食物質素都係水準之上。餐廳嘅格局同普通酒樓一樣，一入到去就要要同侍應講低自己想飲咩茶。始終餐館主打嘅係叉燒，所以茶味不過不失我個人比較喜歡食瘦叉，因為擔心太多肥膏，會唔健康；不過要睇一間餐廳嘅叉燒做得好唔好，睇下肥瘦係咪均勻就知道！叉燒大王嘅叉燒絕對做到呢一點，加上佢嘅真係非常之熱，所以咬落去係肉汁共融，未去到入口即溶，不過唔會食得出好大舊肥膏食咗肉，點都要叫啲菜嘅，呢個皮蛋蛋白豆苗都冇令我失望鹹味啱啱好！飲咗幾啖啲湯，都好有豆苗嘅鮮味！侍應仲推介我哋要食呢個炒蟹！真係冇諗過叉燒大王嘅炒蟹都係好好食！其實蟹好唔好食，好簡單，睇吓佢多唔多肉同埋膏，呢隻蟹就做到啦！平時食開清蒸，冇諗過炒蟹都咁有特色！唯一嘅不足就係：前兩碟餸實在太飽啦，所以食到蟹嘅一半都已經飽飽地奉勸有興趣嘅朋友叫餸嘅時候要留意份量！總括而言，叉燒大王位於一個住宅區，
餐廳位於沙田圍站再行7分鐘（酒店隔離），從地理位置嚟睇，主要都係做街坊生意，不過服務同埋食物質素都係水準之上。
餐廳嘅格局同普通酒樓一樣，一入到去就要要同侍應講低自己想飲咩茶。始終餐館主打嘅係叉燒，所以茶味不過不失
我個人比較喜歡食瘦叉，因為擔心太多肥膏，會唔健康；不過要睇一間餐廳嘅叉燒做得好唔好，睇下肥瘦係咪均勻就知道！叉燒大王嘅叉燒絕對做到呢一點，加上佢嘅真係非常之熱，所以咬落去係肉汁共融，未去到入口即溶，不過唔會食得出好大舊肥膏
食咗肉，點都要叫啲菜嘅，呢個皮蛋蛋白豆苗都冇令我失望鹹味啱啱好！飲咗幾啖啲湯，都好有豆苗嘅鮮味！
侍應仲推介我哋要食呢個炒蟹！真係冇諗過叉燒大王嘅炒蟹都係好好食！其實蟹好唔好食，好簡單，睇吓佢多唔多肉同埋膏，呢隻蟹就做到啦！平時食開清蒸，冇諗過炒蟹都咁有特色！唯一嘅不足就係：前兩碟餸實在太飽啦，所以食到蟹嘅一半都已經飽飽地奉勸有興趣嘅朋友叫餸嘅時候要留意份量！
總括而言，叉燒大王位於一個住宅區，但係食物水準比得上遊客區嘅餐廳，性價比又高，十分推薦大家去食！
Post
