終於有機會試吓。
呢度真係街市食肆檔嘅格局，平凡不過，但牆身上嘅手寫餐牌還是值得一影。
睇吓個餐牌，極平民價錢。
呢度以樽仔咖啡/奶茶聞名，仲有西多士。
其實咖啡無乜特別，但就係個樽仔夠復古加咗一倍分，風味獨特。
呢度嘅西多士係兩片麵包搽上牛油同埋蛋漿獨立煎嘅，同出面嘅西多好唔同，中間亦無夾任何餡料，淋上煉奶。咁簡單嘅配搭竟然出奇地好味！ 咬落去好香口，正！
火腿炒蛋就普普通通。
另一加分點係蛋牛治，佢嘅咸牛肉唔係就咁搽上片多士上，而係加咗蔥花撈埋落啲蛋度一齊炒，咁樣就唔會好似就咁搽落去麵包度食咁咸，好有心
好味呢啲味道嘅餐廳響香港買少見少，繼續支持
