Video
Read full review
2023-09-10
48 views
之前已經知道呢間居酒屋嘅卷物好有特色，個樣又好靚！尋晚食完，果然係好味又打卡able呀！想試吓有創意嘅特色卷物，可以去試試～🥢日式章魚小丸子 $48一客有6粒，做到外脆內軟。小丸子size唔大，外皮脆脆地，食得出係即燒，幾香脆。每粒餡有一粒章魚，粉漿軟棉熱辣辣，配埋大量木魚絲，幾好食！🥢壽司薄餅(辣味三文魚) $108以前食過嘅壽司pizza只係就咁用飯整成pizza嘅樣，呢個嘅飯係用麵包糠炸過，好香脆！上面有辣味三文魚加蟹子，仲有薯片碎，口感好豐富！軟熟又香脆，呢個配搭有創意又好食！一份切開咗6件，好方便食👍🏻🥢粉紅佳人 $118一上枱見到就覺得好靚好吸睛！有大量三文魚子、蟹子、吞拿魚蓉，仲有薯片碎。底嘅卷物有牛油果🥑同蟹柳，最外用菜包住。每件都份量十足，口感亦都好豐富，吞拿魚蓉好軟綿，又有點蟹子同薯片碎嘅爽脆，三文魚子又爆汁，好鮮味！果然係有創意又美味嘅卷物😋🥢埼玉網燒牛舌 $78呢份牛舌好有驚喜！係最近食過最好味嘅牛舌🤤 佢唔同平時串燒嘅牛舌，口感更加彈牙，亦都更加juicy，點埋鹹鹹地嘅醬汁，超好食！牛舌愛好者必試！
之前已經知道呢間居酒屋嘅卷物好有特色，個樣又好靚！尋晚食完，果然係好味又打卡able呀！想試吓有創意嘅特色卷物，可以去試試～
🥢日式章魚小丸子 $48一客有6粒，做到外脆內軟。小丸子size唔大，外皮脆脆地，食得出係即燒，幾香脆。每粒餡有一粒章魚，粉漿軟棉熱辣辣，配埋大量木魚絲，幾好食！
🥢壽司薄餅(辣味三文魚) $108以前食過嘅壽司pizza只係就咁用飯整成pizza嘅樣，呢個嘅飯係用麵包糠炸過，好香脆！上面有辣味三文魚加蟹子，仲有薯片碎，口感好豐富！軟熟又香脆，呢個配搭有創意又好食！一份切開咗6件，好方便食👍🏻
🥢粉紅佳人 $118一上枱見到就覺得好靚好吸睛！有大量三文魚子、蟹子、吞拿魚蓉，仲有薯片碎。底嘅卷物有牛油果🥑同蟹柳，最外用菜包住。每件都份量十足，口感亦都好豐富，吞拿魚蓉好軟綿，又有點蟹子同薯片碎嘅爽脆，三文魚子又爆汁，好鮮味！果然係有創意又美味嘅卷物😋
🥢埼玉網燒牛舌 $78呢份牛舌好有驚喜！係最近食過最好味嘅牛舌🤤 佢唔同平時串燒嘅牛舌，口感更加彈牙，亦都更加juicy，點埋鹹鹹地嘅醬汁，超好食！牛舌愛好者必試！
Post
