陳儀興牛什粉麵 (鴻祥大廈)

Open Now

Now Closed

原本約咗朋友旺角食晚飯，朋友見天文台預告有大雨就爽約，一個人都要食，一個人都可以盡興，經過旺角煙廠街見到一間好出名嘅潮州打冷，原來呢間係主打潮州粉麵相當吸引，唔少得當然有潮州牛腩牛雜，仲有潮州魚蛋魚片豬肉丸等，仲有炸魚皮、炸蝦棗、墨魚條等小食。崩沙腩叫咗個崩沙腩淨食，淨食份量多滿足感更多，一放低都已經聞到牛腩嘅香味，食牛腩都知道崩沙腩係牛腩之中嘅靚嘢，炆得又腍又入味，一層筋膜少少脂肪一層厚肉，一啖咬落去無得頂，筋膜位好爽好彈，必須加啲店家自製辣椒油，辣油炒得超級香，令牛腩更上一層次，淨食除咗有菜底仲有白蘿蔔吸收腩汁真係好正。章魚金手指店員哥哥介紹係新出品，即叫即炸，裏面粒粒章魚的確好足料。原來有牛沙瓜，之前食過一次口感獨特，更有極罕有嘅牛脆骨，雖然罕有，但價錢與其他粉麵差唔多，店員話每日得好少，賣晒就無，想食要早啲碰下運氣。牛腩真係好特別有自身魔力，好似呢間啲牛腩咁靚真係好過好多美食。另外店裏海報有各式潮州餅，七月31日前有75折早鳥價，有興趣朋友要把握時機。