🥢【壽喜燒控注意⚠️】
最近試咗一間主打日本宮崎縣和牛的壽喜燒鍋，$188就食到高質和牛，性價比爆燈🔥
前菜有泡菜、帶子裙邊，帶子裙邊好爽口而泡菜辣得過癮 好開胃🤤
🍲 壽喜燒鍋一上枱就香氣撲鼻，首先會有一舊牛油🧈，將佢分布成個表面，然後煎牛油滑落壽喜燒汁。
宮崎和牛油花分布靚到唔捨得落鍋，入口即化，牛味濃郁但唔膩。和牛點上日本既「蘭王」蛋，配上烏冬吸晒壽喜燒汁，滑溜又惹味，真係一啖接一啖停唔到口。
🥬🌽:配菜都好足料 白菜 粉絲
🍫 飯後加$5試咗杯凍朱古力，好濃厚呀！
🍚 另一款配白飯嘅版本都好正，白飯吸晒牛肉汁，簡單但滿足。熱檸檬茶清新解膩，食完個鍋啱啱好。
📍整體感覺：環境舒服，服務親切（如唔識店員會教你落）食材新鮮，絕對係壽喜燒愛好者必試之選！
