捌加廿陸天婦羅居酒屋 (Closed)

日本提子汽水，一啖落喉，勁清涼！嗰種提子香濃到好似成個提子園搬入咗口腔，仲有嗰陣陣氣泡感，直衝腦門，正到想即刻續杯！芝麻雞翼同雞皮餃子🤤，芝麻雞翼咬落去，外層芝麻香到飛起，雞肉嫩滑多汁，成個滋味大爆發！雞皮餃子就更加誇張，雞皮爽口彈牙，餡料又足，五件邊夠食啊！最最最震撼嘅係特盛海鮮天丼同熊本士多啤梨天婦羅！海鮮天丼料多到好似「海鮮大雜燴」，蝦、廣島蠔、鮮帶子😆！而士多啤梨天婦羅完全打破我對天婦羅嘅認知，外皮酥脆，入面士多啤梨香甜多汁，鹹甜交織，好邪惡但又好正！