Video
2-min walk from Exit N4, Tsim Sha Tsui / East Tsim Sha Tsui MTR Station
continue reading
Opening Hours
Mon - Sun
12:00 - 15:30
17:30 - 21:30
Above information is for reference only. Please check details with the restaurant.
【油尖旺區】【捌加廿陸】識飲識食嘅同事多次介紹我食呢間，但係我好唔爭氣，一直都冇時間去食。直到有一次放飯，有多少少時間，又見佢冇人排，就入咗去。佢喺尖沙咀一蘭隔離，唔算好難搵。入到去就發現原來裏面都唔係好多個位，難怪有時經過見到食呢間都要排吓隊啦。佢主要係食天婦羅嘅，有唔同嘅丼飯做選擇，但係佢啲組合我都唔係好中意，就要咗 $30 嘅「自選天婦羅定食」。當中包括「主食」、「龍蝦味噌湯」同前菜，個前菜我 ignore 咗，碗湯有龍蝦味，幾好，主食個五穀類我加 $8 轉「冷酢橘烏冬」，凍得嚟唔錯喎。天婦羅我就要各 $20 嘅「鰻魚」、「鮮帶子」同「原條穴子」，加埋各 $13 嘅「那哥魚片」同「半熟蛋」。貴啲嗰堆都係真係海鮮嚟，炸完都仲保留到食材味，平嗰兩樣係魚片同半熟蛋，比較一般啲。加 $12 飲埋「日本蘋果汁」，加一夾埋就 $150，略貴。。。（地址：尖沙咀緬甸臺8號凱譽地下17號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #捌加廿陸天婦羅居酒屋 #捌加廿陸 #天婦羅 #居酒屋 #自選天婦羅定食 #主食 #龍蝦味噌湯 #前菜 #冷酢橘烏冬 #鰻魚 #鮮帶子 #原條穴子 #那哥魚片 #半熟蛋 #日本蘋果汁 #1am1812 #1ambackup
continue reading
友人知道我喜歡食天婦羅，叫我經開呢區可以去試吓。店內面積精緻，似係以日式海產市場作主題裝飾，天花掛上魚網，牆上貼滿海產圖畫，座位多面壁而坐。架上提供多款調味料，食冷熱烏冬/蕎麥麵可自加調味。食厭咗普通煎餃子，又可以試吓雞皮餃子 ($48)。用鷄皮代替餃子皮，開初都擔心會否一咬就會好多油，其實經過炸後，本身嘅鷄油已經”迫”咗出黎。點埋個餃子汁食，入口係外脆中又帶點嚼口，而餡料就係餃子餡，夾住一條黎食都幾過癮。每款定食，都包埋龍蝦味噌湯及前菜主菜係蒲燒鰻魚丼 ($88)，份量相當大碗。半條蒲燒鰻魚，兩邊圍住蛋絲及幾片醃蘿蔔，賣相不俗。梗要將蛋絲，鰻魚及飯結合，一啖放入口先食到蒲燒汁嘅甜味，繼而係燒鰻魚嘅軟嫩，再有白飯嘅滿足，多少少蒲燒汁撈飯就好味。呢度仲有自選天婦羅定食 ($30)，可以選擇白飯/冷熱烏冬/蕎麥麵，加少少錢可另轉香蔥牛油飯/冷酢橘烏冬。可選食材主要為海產/鷄肉/牛肉餅及蔬菜類。每款都吸引，尤其係海產類，配以冷蕎麥麵，所以就叫咗廣島蠔 ($20)，鮮帶子 ($20)，黑虎蝦 ($13)，半熟蛋 ($13)，皇帝蟹棒 ($13)及四季豆 ($9)。趁熱食就由鮮帶子起動，唔算太大粒但幾厚身，無渣仲幾鮮甜。隻廣島蠔炸完都仲咁大隻，$20隻相當抵食，蠔身夠飽滿幾有蠔味。天婦羅蛋印象中比較少見，呢度仲要入口係半熟流心狀態，蛋黃汁好creamy。所有天婦羅嘅炸漿都夠薄身，唔會食到一口粉都未食到主角，仲要即叫即製，入口夠熱度同唔油。雖則佢呢度係有炸菠蘿伴雪糕呢客甜品，但就成日都將呢客芝士年糕 ($38)，由小食變為甜品。入口熱辣辣，炸至外香內軟，香甜軟滑嘅芝士配合煙韌嘅年糕外皮，食得快先可以食多一粒，哈哈………仲有其他特色天婦羅如龍蝦，九肚魚，花尾龍躉，活虎蝦等，有待下次。
continue reading
餐廳：捌加廿陸天婦羅居酒屋地點：尖沙咀棉登徑菜式：天婦羅居酒屋餐牌：自選天婦羅定食，天婦羅丼，丼飯，小食，飲品，期間限定，酒水。晚市有加一。自選天婦羅定食呢度有自選天婦羅定食，好flexible。白飯/冷烏冬/湯烏冬/冷湯蕎麥麵底$30，有加料主食要加錢，然後就加錢加料自選啦。冷烏冬好大碗，個湯夠清而烏冬有咬口又滑溜，可以揀蔥同日式芥末份量，好體貼。面頭有好多京蔥同蔥花，我揀左多蔥。鮮帶子 加$20帶子肉真心鮮美又嫩，好香帶子味。帆立貝 加$13帆立貝比帶子細隻少少，連裙邊。黑虎蝦 加$13黑虎蝦蝦肉鮮甜。雞肉 加$13雞肉好大件。蓮藕 加$9成個餐包清淡龍蝦味噌湯一碗，漬青瓜一小件同鮮橙半件。三文魚籽紫菜天婦羅 $68另外點左個期間限定，紫菜一客三片，好特別，炸得好薄脆。另上一滿兜三文魚籽，爆汁鮮味夠新鮮，份量超多，多到紫菜唔夠餸。嘗試一啖有紫菜又有三文魚籽，要少少技巧。芝士吉列豬扒 $58芝士吉列豬扒一大塊，已經切開5件方便食用。吉列皮好脆，入面豬肉好嫩口，加滿熱融拉絲芝士，熱辣辣上枱，墊有椰菜絲沙律。伴有沙律醬令入口更滑溜。呢款炸物正！唐揚炸雞 $48唐揚炸雞一客五件，正常size。加有大量沙律醬同啡色醬汁令入口更滑溜，炸得皮脆肉嫩，有肉汁。墊有椰菜絲沙律。炸菠蘿伴海鹽雪糕 $28一大片炸菠蘿面頭加上一球藍色海鹽雪糕球，再加上脆脆。香甜多汁熱辣辣炸菠蘿配少少鹹嘅融化海鹽雪糕，味道口感超正！總括而言，天婦羅皮夠脆，入面食物多汁好味，不愧為天婦羅專門店。吉列炸物就好抵食！座位全部都係吧位，好似日本小店。枱上面有七味粉，同多款調味料，連櫻花蝦仔同魚仔都有，跟餐都有天婦羅汁。
continue reading
我都幾鍾意尖沙咀訊號山😆⛰️ 勁近市區行十幾20分鐘就可以見到靚景😙💕 打卡一流⚡️入口附近就有呢間天婦羅居酒屋🏮 香港比較少見🙆🏻♀️ 鍾意佢有得自己揀而且炸得出色🔥❣️雞皮餃子 $48我嘅居酒屋必食 送酒一流🫢 即炸好夠脆 大大份有五件🦫 餡料都好Juicy💦❣️自選天婦羅定食 $30❣️原條穴子 +$20❣️黑虎蝦 +$13❣️皇帝蟹棒 +$13❣️蘆筍 +$9❣️本菇 +$9❣️鰹魚熱湯蕎麥麵雖然佢都有set但係我更鍾意自己揀 可以試勻晒鍾意嘅嘢😙 穴子超級出色‼️ 食落反而係甜甜地而且魚肉好嫩冇骨🐟 超級大一條 好震撼🙆🏻♀️虎蝦要一人一條先爽 蝦肉新鮮結實🦐 蟹棒啖啖肉🦀 本菇好正 面積夠大四方八面都炸到好脆 但又做到唔油🔥自選仲可以揀配飯定麵 蕎麥麵 夏天仲可以揀凍食🫶🏻 配個熱湯感覺冇咁熱氣(?) 份量超大係男仔都食唔晒🙀❣️自選天婦羅定食 $30❣️軟殼蟹 +$23❣️黑虎蝦 +$13❣️帆立貝 +$13❣️紫菜蝦膠 +$13❣️半熟蛋 +$13❣️日本番薯 +$9❣️海老味噌熱湯烏冬炸軟殼蟹應該都好多人鍾意😆 非常鬆脆而且有軟膏🦀帆立貝鮮味十足 炸過水份蒸發更甜🙆🏻♀️💦紫菜包住蝦膠去炸 口感又脆又彈牙～日本番薯超級甜必點🍠 炸蛋好睇技巧 真係炸到啱啱流心 amazing🥚另外叫咗呢個烏冬嘅湯底竟然唔使加錢🥹 接近出出面烏冬專門店質素🍜 鮮味濃郁唔鹹烏冬有質感🍤❣️Asahi $48食天婦羅真係要啤啤佢🍻呢度裝修都好有日本風格 小店出品有誠意💕 性價比高‼️
continue reading
之前去過旺角分店食過，簡直係人龍店，發現尖沙咀呢間環境舒適好多，唔洗望住廚房啲滾油同煙食飯，最重要係唔需要排隊👍🏻👍🏻👍🏻💸$30起就食到嘅天婦羅定食✨自選天婦羅定食已包括龍蝦味噌湯及前菜，另外叫咗冷酢橘蕎麥麵 +$8，食落充滿青檸🍋🟩嘅清香同酸爽，配番唔同嘅天婦羅，完全係解膩之前，好推薦大家要點冷食蕎麥麵或烏冬！絕對唔會後悔😋今次點咗好幾種天婦羅🍤鱚魚，半熟蛋，皇帝蟹棒，原條穴子，黑虎蝦，南瓜最有記憶點係鱚魚、原條穴子。鱚魚出面比較少餐廳食到，之前喺omamkase見到呢款魚，用天婦羅方式處理，食落外脆內嫩，肉質細滑。原條穴子果然係長得驚人，長過個碗，穴子口感軟棉，仲keep到鰻魚嘅獨有味道👍🏻黑虎蝦就唔洗講，一定係天婦羅必點嘅配搭嚟！爽彈得嚟結實，係我最想再追加嘅自選款式。皇帝蟹棒同想像一樣，軟軟嘅口感，略帶蟹味。想特別講一講半熟蛋，呢個係朋友推介點嘅，外面炸衣脆香，入面流心口感非常特別，值得一試。南瓜比我想像中清甜☺️特盛海鮮天丼(蝦x2、廣島蠔X1、鮮带子X1、蝦膠X1、蓮藕)如果唔想逐個配菜揀，推薦揀呢款海鮮天丼，食落好滿足，鍾意海鮮嘅朋友就啱晒啦！花尾龍躉由於朋友話佢嘅海鮮天丼冇咗魚嘅部份，於是我哋就追加咗期間限定嘅龍躉，嘩😳呢個好有驚喜，肉質非常結實，但一啲都唔柴，仲有魚嘅清甜味，如果有朋友嚟到叫我揀一個推薦，一定係叫佢點呢款，唔會後悔系列🤣
continue reading