大自然素食

Open Now

Now Closed

出街見到純素食嘅餐廳都覺得好開心，見到呢間即刻試，一個人去食唔到幾多花款都照食。除咗一般素食，仲有純素日本menu，對於葷食者係一個good try out。今日叫咗個椰皇黃耳燉湯，素三文魚生，素軟殼蟹卷物。前菜佢俾咗個茄汁車厘茄，有啲怪，本身車厘茄已經好新鮮，唔明白點解仲要落一個茄汁上去。個燉湯係very good，$3x唔貴，原個椰子上，下次會再食。素三文魚生片，貪得意試吓，都唔錯，口感顏色都似真三文魚。素軟殼蟹卷物，炸得好脆，素蟹肉好有口感。

同朋友去咗尖沙咀美麗華廣場嘅大自然素食食飯，估唔到間餐廳咁有驚喜！我叫咗個素三文魚壽司，賣相同真嘅三文魚壽司真係好似樣，食落個口感都九成相似，不過就冇咗嗰陣油脂嘅香味。但係我反而覺得咁樣好啲，食完唔會滯。我朋友叫咗個炒飯，啲飯粒炒得好分明，而且粒粒分明，好有鑊氣。不過啲油似乎多咗少少，可能因為冇真肉類嘅關係，純素可能對某啲人嚟講食完好快會肚餓所以落多D油。呢間餐廳嘅出品都非常唔錯，而且價錢都合理。我哋兩個都食得好飽，下次一定會再嚟！

暫唔講食物，先講服務，終於有間同侍應有互動嘅食肆，會介紹餐牌，有問題唔會一句起兩句止，依家好多都掃碼落單，侍應木口木面，語氣平淡，十足AI。揀咗半圍套餐B，份量十足，可能全部女性，7個人食都食唔晒，味道大致都不錯，中規中矩！個人比較欣賞鮑魚雞絲翅，味道仿真度高，身邊外籍朋友還問是否真翅😆！菜遠羅漢齋炒面同蛋白炒飯都唔錯，總括套餐豐富，有質素又完全唔覺食緊素菜咁‘’寡‘’，只係甜品腰果露朋友說無乜味（我無食），過年食素呢間不錯。

老友食長齋，幾年疫情分隔兩地，當然要聚聚。由於，自己平時甚少食齋，唔知邊間好？即刻上Open Rice 揾食！睇咗好幾間，呢間位置幾好，食評有好有壞，睇相片又好似唔錯，即管試下。真係幾好噃！尤其是個迷你招牌三色骨，口感以為自己食緊肉，其實係菇類，對於平時少食齋嘅...我，又確係會吸引我再嚟食㗎！

先講改善地方上菜時間好快 但d野唔夠熱茶飲晒叫人加無人幫你添 仲收12/位黎完以為佢幫你加水 原來直接放低熱水等你自己黎 仲要收你加一好既地方讚下先食到差唔多d野會即刻幫你收走收個碟好細心到見你唔食野 會幫你收埋你個碗收埋你筷子 等其他食野既人有多d空間繼續食 真係好細心 加晒分 埋單都好快 幫你收完野 就即刻過黎收錢 完全唔會浪費你1分1秒鐘 食野用左40分鐘 第40分鐘05秒收晒d碗第40分鐘10秒叫你埋單唔洗叫都咪話唔動作快捷下次無時間要食快餐一定黎幫襯

今天與幾位中意食素的朋友試試這間素食餐廳，網友都推介是新派素食店，特別是牛油果多士是必食之選。我們晚上6:30到達店舖，但餐廳已是滿坐，要等一等位。我們是搭抬，唯一不喜歡就是這個，有一幅圍板遮檔視線，什麼也看不到。我們下單了當然有網友推介的芝士牛油果多士，芋頭魚，黑松露炒飯和粉絲雜菜煲。個多士真的沒推介錯，大家食得津津有味，牛油果醬超級香，必食！芋頭魚外身炸得金黃色，但那芋頭蓉沒什麼味道，可以咸少少會更正。黑松露炒飯也十分滋味，松露味濃厚。粉絲雜菜煲更是食到見底，個湯汁香濃好飲，雜菜類型豐富，有菇有椰菜有菜心等等，又不會太諗，軟硬度岩岩好！這間素食餐廳，可再encore!

好多時候，餐廳為左吸引顧客，會整色整水，整啲好睇唔好食既野，例如公仔生日蛋糕，影完相之後，外面個層基本上喺唔食得，入邊嘅蛋糕得番少少。有啲人會包裝得好豪華，實際上合餸菜一啲都唔好味。返璞歸真，食簡單素食，用最傳統烹調方法。有時候，反而比搞場大龍鳳更加容易得到認同。 🍖 腐皮煲仔飯，腐皮質素好，夠厚身，配合豉油撈飯已經好好味，畫龍點睛嘅係上面切得好幼既薑絲，配合熱辣辣既飯一啖食落口，小小刺激直衝鼻腔，但係好快平伏，簡單得來不簡單。 🍖炒飯同埋炒河粉，用上都係素菜材料，但係鍋氣好，炒飯乾身，河粉分明。亦都係值得推介。 ✨️最緊要係所有午飯套餐都好平，喺健康同慳荷包之選。

假日都有下午茶真係少見內裡好多坐位分左2人坐的一區3人以上又另一區坐位置都幾多但假日都坐吾滿叫左要食的野超快上齊桌上903 法式牛油果焗多士呢個上桌超香黎到即食芝士味濃吾係因為個名都未必知中間個層係牛油果915.香煎豆沙窩餅呢個比我想像的不同豆沙吾甜，但吾係我喜歡個款130 加州風卷用左紅蘿蔔做最外層331 北京片皮鴨(跟薄餅)貌相同味道都一毀490 三絲炒上海年糕後加單香係幾香不過年糕吾夠軟PS:下午茶做半價優惠由3：00開始（算係好低）

I recently had the pleasure of dining at a vegetarian restaurant that offers a captivating array of dishes that mimic meat. One dish that caught my attention was the vegetarian-style salmon sashimi. Its resemblance to actual salmon was remarkable, with a texture similar to konjac. However, I found the slices to be a bit thin, lacking the distinctive flavor of salmon. Nonetheless, it was an intriguing and innovative take on vegetarian sashimi.Another standout dish was the duck served with lemon s

🍽大自然素食 (尖沙咀)🤜🏽香酥黑魚餅 $42爽口，唔彈牙，口感上差少少🤏🏻.👎🏿九製陳皮骨 $96味道麵筋+話梅粉😟口感似靭既油豆腐，勁吸油🥲唔完搞唔掂.👍🏻招牌口水雞 $42香辣可口，好送飯😋.👍🏻黑松露牛油果醬炒飯 $106飯偏濕潤，好香黑松露味✨牛油果醬融入飯中😋配料增加口感，翠玉瓜、蘿蔔、粟米粒啲飯多到可以打包😆.🫶🏻即磨腰果露 $48大推💓新鮮即磨勁香呀🤤仲有一粒粒仔既腰果碎，有啲咬口一盅可以分到兩細碗😆.🤜🏽茶芥每位 $12有色無味.✨外賣盒 $3📸02.07.2023.💁🏻‍♀️二訪，第一次試過佢啲刺身，又扮得唔錯今次就帶埋媽媽黎食💓.晚市8折，幾抵食，又坐得舒服以素菜黎講算係唔錯😂最欣賞係佢既腰果露 🤤.職員話全港得三間舖頭有做壽司下次試埋素食壽司先😆👍鐘意既請Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ.🧸#SML 💁🏻‍♀️ @fla_sml🤞🏻#no852尖沙咀🤞🏻#no852推介🤞🏻#no852素食🤞🏻#no852x2023

📍尖沙咀 大自然素食📍想食清淡少少，就揀咗間素食餐廳。午市有加一，大約六十幾七十蚊一個餐。嗌咗個鮮茄蓉腐皮卷湯稻庭烏冬，有份例湯。例湯飲落唔似有味精，正正常常。主食就略嫌有啲油膩，可能因為係腐皮卷。味道普通，無乜好深刻的點。但份量好足夠的。

而家實行緊9乘素食，出街見到就純素食嘅餐廳都覺得好開心，見到呢間即刻試，一個人去食唔到幾多花款都照食。除咗一般素食，仲有純素日本menu ，對於葷食者係一個good try out. 今日叫咗個椰皇黃耳墩湯，素三文魚生，素軟殼蟹卷物。前菜佢俾咗個茄汁車厘茄，有啲怪，本身車厘茄已經好新鮮，唔明白點解仲要留一個茄汁上去。個燉湯係very good, $3x 唔貴，原個椰子上，下次會再食。素三文魚生片，貪得意試吓，都唔錯，口感顏色都似，素軟殼蟹卷物本來唔錯的，但係諗咗一個較為酸嘅芝麻汁上去，其實唔太需要，買單一條友食咗兩舊水。另外碗筷同埋枱面有啲痴立立，希望會有改善。

每次一去到啲阿姐都大大聲話幾位呀！好似喝狗咁樣，個個黑口黑面，唔知係咪太忙定係情緒年齡問題，落單態度勁差，問人地要咩呀！最近一次初一自己去食下午茶，一坐底，冇一個係會自動自覺拎餐牌比客人，要叫先拎，重要好唔願意掉係張枱到就走左去，首先叫左個凍豆腐，再一個蒸餃子，蒸餃子黎到我怕啲餃子凍，叫一個姐姐比個蓋我，佢就係廚房拎隻白色膠碟比我，我話我要個蓋喎！佢就話啲蓋洗晒！咁樣我話唔洗啦唔該晒！姐姐黑晒面咁拎番隻碟入廚房，我想知道，點解啲籠蓋洗晒唔可以比個客人用嘅呢？我都係做飲食業，而家啲服務態度咁樣，會唔會衰左啲呢？唔想做就可以選擇唔做，每個客人黎到光顧，客人就係你地老細，無客人黎食野，邊個出糧比你地，重要收加一服務費，問心有咩權利去收呢？重有，我果日食左$80.4，專收錢姐姐話＄80蚊得啦！點知又收左＄81蚊，加一都唔止重要拎埋果幾毫子，我覺得好唔合理囉！個個都收多幾毫，你地如果有得出貼士咪好多？有一次我真係好嬲，有一日十五，又係下午茶時間3點鐘，坐我格離個姨姨食唔晒，叫左個姐姐拎個袋黎袋幾舊壽司，我聽住又係專收錢果個姐姐，話等等呀！起碼等左十分鐘，我覺得你忙住埋單，可以叫其他同事去幫你拎，

這間店舖職員的服務態度有待改善，餐廳運作一片混亂。星期三的下午三時正，下單半小時以上仍未有食物上桌，追問之下上了20分鐘前加單的一個粉絲鰻魚煲。一邊吃一邊三番五次地問了不同的職員，之前下單的一個乾炒牛河甚麼時候來？有職員說：「單上有寫就是有下單的，要再等等。」眼見職員拿著一碟碟的食物到其他客人的桌上，再問，「我幫你追追。」另一個職員就說：「漏了單，現在再寫。」最後等了一個多小時，再問職員，原來河粉已賣光了…但完全沒有職員主動告訴我們，我們非常有耐性地白白等了這麼久。途中有兩台客人入座後離去：「嗌極都冇人理。」職員這樣的服務態度，愛理不理，叫人如何會再來這間大自然素食光顧呢？時間緊迫的人要注意用膳時間。這是一次極差的用膳體驗。

行完尖沙咀，到左晚飯時間，大家問食乜，我話不如食素啦，所以就黎左大自然素食！依間餐廳都幾闊落，我地3個人，佢俾左張卡位我地，服務態度唔錯👍🏻我地點左2個必點小食 ，法式牛油果多士$17 +沙律木瓜$16 牛油果多士好大塊，而且鋪滿好多芝士同牛油果醬，超邪惡但好好味😋 多士超脆！沙律木瓜，有青瓜絲同素蟹籽，健康之選，木瓜又甜又多汁！ 👍🏻👍🏻👍🏻另外再叫左個沙窩雲吞+焗芝士南瓜🎃飯沙窩雲吞都有5粒，窩裡有菜同翅，味道清淡，雲吞皮又唔會太厚，大大粒 👍🏻份量足夠！最後焗芝士南瓜🎃飯，原個南瓜上枱，南瓜好甜，炒飯底乾身再加芝士焗，味道香口，健康得黎又係素，真係唔錯！