泰廚房子 (德福廣場1期)

Open Now

Now Closed

去到餐廳首先叫個青木瓜沙律，份量幾多，木瓜絲紅蘿蔔絲都切得好平均，唔會一粗一幼，而且好新鮮，唔會淋曬，個醬汁偏酸同辣，有好多辣椒碎。 之後我哋嗌咗個巴東牛肉，明顯食得出有好多香料，椰香同其他香料嘅味道好突出， 唔會畀咖哩粉嘅味主導，而且牛肉好淋，一啲都唔靭， 份量夠多， 醬汁又唔會特別多油，而且仲會送埋個飯添， 送飯啱曬。跟住我哋仲嗌咗個冬陰公湯，諗住會飲唔曬，所以買咗個細嘅，但係點知都好大份，仲有個gas爐跟住，煲住令到D湯唔會凍曬。冬陰功湯好重鮮味，因為落咗好多菇同蝦頭落去煲，仲有切咗好多香茅同埋蕃茄，令到湯好濃厚，唔會特別酸或者特別辣， 味道均勻，容易入口， 香味濃郁，值得一試。 最後特別讚揚有一位員工態度真係好誠懇，非常有禮貌。 餐廳壁畫幾靚，做出嚟嘅氣氛唔錯， 因為聖誕節嘅緣故仲有啲裝飾添。 整體而言，所有餸都好有正宗嘅泰國風味，而且份量頗多，賣相不錯，價錢合理，值得一試。