極尚大瀛喜日本料理

Open Now

Now Closed

大年初三，食咗幾日蘿蔔糕,係時候轉轉口味食日本野。最近Yoho Mall新開咗間放題，聽聞喺新界西最正嘅放題，咁梗係要試下！餐廳內原來都幾大，又有自助前菜、甜品區，飲品櫃都有4大個，仲有自助雪糕機，有得食有得玩！食放題，先叫刺身是常識吧！三文魚、油甘魚、劍魚腩、帶子、珍寶大赤蝦、虎蝦、榮螺，一d雪味都無，肥美鮮甜，正正正！壽司、手卷都好味，細細件無咁易飽，可以食多d其他野。特別欣賞拖羅蓉軍艦，必點！食完刺身壽司，係時候點d熟食。熟食種類很多，炸物、串燒、天富羅、粥，多不勝數，當中必定要提炸榴槤，充滿驚喜，外皮炸得酥脆，榴槤餡軟糯又甜又流心，榴槤味香濃，喜歡榴槤的朋友一定要試下！最後以甜品作結，餐廳中央有甜品自取，可能已經飽所以覺得甜品是錦上添花。不過欣賞有雪糕機可自己整雪糕，食得玩得， 真過癮 😄夜晚放題由五點半關始，食到七點半連加一都有二百四十幾蚊。二百幾蚊有咁多野食，又有咁嘅質素, 性價比高，以後唔使走出元朗都有高質放題。😍😍😍