韓雅林

Open Now

Now Closed

同老公撐枱腳嚟到「韓雅林」，呢間餐廳主打多元化韓國菜，由醬油蟹、韓燒、豬手到炸雞樣樣齊，環境闊落坐得舒服，一坐低就送上多款韓式前菜，泡菜、芽菜、薯仔樣樣爽口開胃，誠意十足！ 🦀醬油蟹配牛油飯・一上枱就見到蟹膏多到爆瀉！橙黃色蟹膏濃到化唔開，撈埋熱辣辣嘅牛油飯同紫菜，真係邪惡到極點！ ・蟹肉醃得啱啱好，鮮甜唔腥，口感滑溜帶點黏性，撈勻飯食每一啖都係濃郁海洋風味，絕對係必食之選！ 🥩韓式燒肉拼盤（四色五花肉+豬肉）・呢個拼盤超級抵食！分量多到嚇親，有成4款口味五花肉再加其他豬肉部位，全部韓國進口，質素有保證。 ・特別推薦咖喱同蒜蓉味五花肉，醃得入味，燒到外脆內軟，油脂香爆棚！🍲藥膳牛排骨滑配韓式熱鍋飯・藥膳湯底濃郁得嚟帶淡淡甘香，牛排骨煮到超軟腍，一啖肉一啖飯暖胃又滿足。 ・熱鍋飯吸晒湯汁精華，飯焦香脆，加埋滑溜嘅牛肉，口感層次豐富！