泰廚房子 (德福廣場1期)

Open Now

Now Closed

餐廳位於德福廣場既平台，交通便利。店員穿上泰國傳統服飾，餐廳充滿泰式風情。晚市高峰時段到餐廳用饍，有機會要拎飛輪候，所以建議提早預約。泰式海南雞飯海南雞肉質滑嫩可口，無骨方便食用，醬料有辣醬及蒜油醬。黃薑飯做到金黃色，顏色吸引，黃薑香味令人更有胃口。沙嗲串燒可以雞肉牛肉雙拼，沙嗲醬汁有滿滿一小碗，味道不辣，又香又甜，仲有花生醬。雞肉和牛肉每舊都大大塊，啖啖都係肉，食落相當滿足。泰式咖喱大蝦虎蝦有手掌咁大隻，蝦身開邊，炸得金黃色，先放在黃咖喱醬入面。蝦頭有蝦膏，味道濃郁，蝦肉可容易用叉從蝦殻扯起，可叫埋油酥餅沾點咖哩配搭食用。炸蝦餅外皮炸得香脆，蝦餅結實有咬口，一炸起就送上枱，蝦餅附有甜甜的醬汁。青檸梳打可以憑自己喜好加糖水，青檸梳打酸酸甜甜，好不開胃。KK獨特香味泰式奶茶泰式奶茶較一般奶茶更加香甜順滑，有獨特既香甜味。