瀛豐放題料理專門店

之前食過呢間放題，覺得CP值好高，今次再黎，餐廳都依然keep到水準👍🏻 平日晚市都好full，黎之前最好book定枱。用QR Code落單，上菜速度都算快，侍應亦好主動收碟加$138 就可以升級任食生蠔同埋帶子，即開生蠔🦪唔算太細隻，海水味濃海膽帶子新鮮好味😋，食落香滑又爽口呢度嘅刺身🈶好多款，我就最愛油甘魚、八爪魚、白玉貝➕ 鮑片，味道鮮甜壽司方面，推介大家試一口鰻魚➕鵝肝帶子壽司，十分美味可口泰式生蝦都好正，值得一試。呢度嘅泰式熟食都好好味，炭燒豬頸肉、泰式燒元貝、飛天炒通菜、辣椒膏炒蜆➕甘葉香蒜炒墨魚須都非常惹味👍🏻炸物唔會太油，真係非常不錯。推薦大家試吓紫心香芋丸、芝士年糕、芝麻炸雞翼➕七味雞軟骨自助區有冷盤、飲品、甜品➕雪糕雪條，甜品有好多選擇，例如有布甸、小蛋糕、泡芙、馬卡龍、豆腐等等，而我就比較鍾意食呢度嘅韓國雪條。