叉燒大王

Open Now

Now Closed

河畔花園附近既餐廳外，只有叉燒大王門外排曬人，場面墟仚，心入面即刻冒起濃厚既好奇，不禁也跟住排隊。等咗大約4-5個字終於入到，雖然係出面等到身水身汗，但只要一入去就唔需要再等，即刻落單，三幾分鐘就陸續有餸上枱，半個鐘內就可以食完。蒜蓉粉絲蒜大蟶子 -一上枱真係香到爆，聞住都覺得食欲大開，不能自我，炸蒜多到滿瀉，粉絲彈牙入味，而蟶子肉則好爽口清甜。叉燒王 -肉質軟腍嫩滑，有d位燒到微焦更香，加上蜜汁甜甜地，一點都唔平凡，簡單出色。生煎咸魚肉餅 -外脆內嫩! 如圖片，外面煎到香脆，咸度亦適中，唔送飯都得。石窩生啫通菜 -通菜好入味，加咗d煎過既肥豬肉同蒜頭，令個菜添加了肉香同油香味，味道大大加分，送飯一流。