先付
賣相好精緻，我最鍾意係佢個銀杏，食落去唔會有苦味，另外栗子超級甜，配埋昆布烏魚子，口味清新。
個湯好開胃，入面有香箱蟹肉做嘅魚蛋，飲落好清甜。
刺身五點
真羽太配酢橘，魚肉口感好清爽，有淡淡嘅石斑魚味道
北海道鰤魚油脂分布平均，油脂剛剛好
炸沙甸魚魚苗，咬落口好香脆，好好食
師傅話可以將啲wasabi醬油漬放落啲吸盤一齊食，一放落口好感動， Wasabi嘅味道直通大腦，超級爽嘅感覺，我自己就比較鍾意水八爪魚刺身，味道好豐富
愛知縣赤貝、活北寄貝，建議先食咗赤貝點少少鹽再加Wasabi已經好好味，因為北寄貝嘅味道再濃好多，兩款貝都好新鮮，好好味
季節料理
新鮮三文魚籽食落同平時出面食嘅好唔同，濃味好多之餘仲好彈口，配埋蘿蔔蓉一齊食勁夾
香箱蟹勁正，見到勁震撼，有人起埋肉加咗超級多分，食落勁方便，食完啲腳之後下面有蟹身同蟹膏，成隻上真係勁正
和食唐揚魚仔，成條都可以食得，魚仔炸得勁甘香，出面脆卜卜，入面就好嫩滑
壽司十貫
金目鯛、間八 、關鯖
我自己比較鍾意關鯖，因為魚味好強烈
昆布漬青森帆立貝入口好鮮甜，好肥美
墨魚配埋紫蘇葉勁夾，師傅刀工精湛食落去口感一流
甘海老正宗日本產真係唔同啲，食落去勁鮮味
北海道秋刀魚、中拖羅、大拖羅 、吞拿魚醬油漬
拖羅油脂分布勁正，我自己就最鍾意吞拿魚醬油漬，因為個味道好豐富同埋最特別
全晚嘅高潮就係海膽手卷，師傅不惜工本，放咗勁多海膽落去，入口咬落去全部都係海膽，勁正勁豐富
最後飲埋個湯暖吓個胃，再食埋甜品勁滿足，個柿超甜，紅豆水羊羹自家製甜度剛剛好
