Video
Read full review
2021-03-13
105 views
女人街食飯公司, 第一次聽依個名覺得好攪笑, 再親身試過後就成為左我近期同朋友食飯既不二之選。近年以懷舊風作招徠既餐廳, 冰室開到一街都係, 都開始覺得冇乜感覺, 但係第一次去到女人街食飯公司, 就真係比佢既環境完完全全吸引, 由門面左龍右鳳, 餐廳內既設計, 至到窗花, 一枱一凳, 都十足舊時既風味, 幾可亂真, 依個懷舊風造得好徹底, 有番d年紀既食客置身當中一定有feel。坐低之後就有壺滾熱辣既茶比你洗筷子, 都係以前銀色鐵壺款添, ORDER完心諗, 環境拎到咁高分, 食物質素又點呢?客棧香煎蓮藕花枝餅 $88份量不少而且件件厚身, 夾落去就feel到佢既質感飽滿, 咬落去有肉感加上花枝令整體更彈牙, 加入左爽脆既蓮藕碎, 口感豐富! 味道方面有肉香外仲有花枝香味, 岩岩煎起面頭微微帶脆, 香口美味!鮮魚湯杞子浸豆苗 $108豆苗份量一樣比想像中多, 鮮魚湯味道帶甜, 調味適中唔會過咸過淡, 豆苗新鮮又夠嫩, 雖知道豆苗價格比較貴, 平時自己係超市買一包仔都要$3X蚊, 所以上菜見到依個份量同質素絕對收貨。老陳皮蒸頭腩 $168最愛食連皮既頭腩, 膠原蛋白就係哩個位啦! 蒸得岩
近年以懷舊風作招徠既餐廳, 冰室開到一街都係, 都開始覺得冇乜感覺, 但係第一次去到女人街食飯公司, 就真係比佢既環境完完全全吸引, 由門面左龍右鳳, 餐廳內既設計, 至到窗花, 一枱一凳, 都十足舊時既風味, 幾可亂真, 依個懷舊風造得好徹底, 有番d年紀既食客置身當中一定有feel。
坐低之後就有壺滾熱辣既茶比你洗筷子, 都係以前銀色鐵壺款添, ORDER完心諗, 環境拎到咁高分, 食物質素又點呢?
客棧香煎蓮藕花枝餅 $88份量不少而且件件厚身, 夾落去就feel到佢既質感飽滿, 咬落去有肉感加上花枝令整體更彈牙, 加入左爽脆既蓮藕碎, 口感豐富! 味道方面有肉香外仲有花枝香味, 岩岩煎起面頭微微帶脆, 香口美味!
鮮魚湯杞子浸豆苗 $108豆苗份量一樣比想像中多, 鮮魚湯味道帶甜, 調味適中唔會過咸過淡, 豆苗新鮮又夠嫩, 雖知道豆苗價格比較貴, 平時自己係超市買一包仔都要$3X蚊, 所以上菜見到依個份量同質素絕對收貨。
老陳皮蒸頭腩 $168最愛食連皮既頭腩, 膠原蛋白就係哩個位啦! 蒸得岩岩好, 魚肉又嫩又滑, 另一重點係蒸魚豉油, 食到佢撰左滾油, 再加上陣陣陳皮既清香, 堅好食! 特別想講既頭腩好新鮮, 以老陳皮蒸哩個做法, 魚唔靚一定唔會好食同埋會腥, 食材夠新鮮真係冇得彈!
環境懷舊得徹底, 食物足料質素高, 著住白色茶記制服但又幾好SERIVCE既既呀叔店員, 整體我就真係好中意, 回頭幫襯是常識吧!
Post
