帝樂 - 德國餐廳 (美利樓) (Closed)

放假去左赤柱玩, 見到美利樓入面有間德國野, 即時衝入去食隻燒豬手! 咁岩德國咸豬手有7折❤最大特色係佢地跟足傳統, 會原隻上台, 或者可以響你面前切開, 非常吸引。脆皮豬手肉夠厚, 味道略咸, 個脆皮卜卜脆, 大大舊放入口最豪氣! 招牌雞肉沙律, 脆麵包加雞柳同意大利生菜原來係好夾架!!!個醬油就略略少左d, 需要叫佢後加先cover到d菜, 但味道好有層次好豐富!炎炎夏日, 我當然叫左杯芒果沙冰啦, 芒果清香加半個芒果既啖啖果肉, 真係超juice!超解渴呀!