Video
Read full review
2022-07-28
341 views
知道佢荃灣執左 朋友放假專程車入大埔食如果佢唔係黃店 絕對唔會再食..特登出食評比鋪家改進明白飲食難做 但…本人作為食客都係想食餐好..首先d 串燒係唔熱辣辣 只係微暖本身見到有post話外賣串燒凍 我都以為係外賣問題但真心…堂食都微暖？ 肯定肉類整熟哂再翻熱比客人…求其街邊串燒都即叫即燒啦 仲熱辣辣 好好味 唔熱哩一點係超級無敵失望牛脷係大件 但燒完都仲水汪汪 肯定係煮（烚）熟左先表面燒幾下 超級無誠意既串燒店 都係因為哩串我先打食評離哂大譜…當晚只有我地一枱客 唔存在太忙而質素唔好…只係反映食客最誠實…所以唔夠飽都無再加單 餓住走另外，有叫到佢個蟹粥 上網見到圖膏蟹粥係黃色（因為生蟹同粥一齊煲 d膏會落左粥）但嚟到 d粥白雪雪 隻蟹好明顯係熟咗先擺落煲湯到..點解咁花功夫分開整熟d蟹同粥原因相信只有一個.. 隻蟹一死/就死要整熟左先D粥既份量係激少 仲要燶底其實哩餐真係好失望 因為人均$200+ 食物質數都真係麻麻 串燒連燒都無誠意 仲點有回頭客…作為鐘意食野既人，見到d人（特別長輩）評擊d黃店食氣氛不無原因… 如果做食店係靠光環唔係靠食物 會唔會有少少本末倒置P.s 職員態度係親
如果佢唔係黃店 絕對唔會再食..
特登出食評比鋪家改進
明白飲食難做 但…本人作為食客都係想食餐好..
首先d 串燒係唔熱辣辣 只係微暖
本身見到有post話外賣串燒凍 我都以為係外賣問題
但真心…堂食都微暖？
肯定肉類整熟哂再翻熱比客人…
求其街邊串燒都即叫即燒啦 仲熱辣辣 好好味 唔熱哩一點係超級無敵失望
牛脷係大件 但燒完都仲水汪汪 肯定係煮（烚）熟左先表面燒幾下
超級無誠意既串燒店 都係因為哩串我先打食評
離哂大譜…
當晚只有我地一枱客 唔存在太忙而質素唔好…
只係反映食客最誠實…
所以唔夠飽都無再加單 餓住走
另外，有叫到佢個蟹粥 上網見到圖膏蟹粥係黃色（因為生蟹同粥一齊煲 d膏會落左粥）
但嚟到 d粥白雪雪 隻蟹好明顯係熟咗先擺落煲湯到..
點解咁花功夫分開整熟d蟹同粥
原因相信只有一個.. 隻蟹一死/就死要整熟左先
D粥既份量係激少 仲要燶底
其實哩餐真係好失望 因為人均$200+ 食物質數都真係麻麻 串燒連燒都無誠意 仲點有回頭客…
作為鐘意食野既人，見到d人（特別長輩）評擊d黃店食氣氛不無原因… 如果做食店係靠光環唔係靠食物 會唔會有少少本末倒置
P.s 職員態度係親切 但希望食物有改善
Post