Video
Read full review
2018-06-18
138 views
行緊去西鐵站，但雨越下越大，決定避下雨去食晚飯先，見呢間米線舖望落幾骨子，有辣湯啱哂我同朋友，就食佢啦。天花板掛著傘子，望落優雅坐低睇下餐牌先，原來店都幾大，枱與枱間有一定空間，最正係夠冷氣，我同朋友都係勁怕熱的人呀…晚餐就豪一豪佢，點下小食先，再加埋三餸麵，都唔使一百蚊個人，今時今日黎計算平啦。海南鮮椰汁（$14）＆鮮豆漿（+$6）食辣野好似都係點返支凍飲穩陣，哈哈，夠哂凍啱哂咁熱嘅天氣飲，豆漿就成日有啦，但椰汁未見過其他地方有賣嘅？幾好飲喎，好清甜，入面仲有粒粒椰果增加口感。涼拌皮蛋（$18）皮蛋係至愛黎㗎，去到邊都點黎食。雖然賣相麻麻，但皮蛋夠綿滑正喎，最正係夠辣油，辣辣地加埋芫荽香超好味川辣口水雞（$36）雞件夠滑，肉多骨少，皮下又唔算多肥膏，辣汁辣度剛好，但略鹹左啲，掉開啲辣醬食就ok，整體黎講都係好味嘅麻辣小鍋米線+柱候牛腩+腩肉+墨魚丸（$50）朋友點左麻辣湯中辣，望落好紅呀～餸方面呢，因為佢係食肉獸，諗都唔諗就要哂腩，哈哈。牛腩軟腍，墨丸彈牙，最正係腩肉，夠肥又爽口，好味。雖然好紅嘅麻辣湯，但都唔算好辣。酸辣小鍋紅薯粉+豬大腸+豬脷+竹笙（$48）自己碗要左酸辣小辣，好
天花板掛著傘子，望落優雅坐低睇下餐牌先，原來店都幾大，枱與枱間有一定空間，最正係夠冷氣，我同朋友都係勁怕熱的人呀…
晚餐就豪一豪佢，點下小食先，再加埋三餸麵，都唔使一百蚊個人，今時今日黎計算平啦。
海南鮮椰汁（$14）＆鮮豆漿（+$6）食辣野好似都係點返支凍飲穩陣，哈哈，夠哂凍啱哂咁熱嘅天氣飲，豆漿就成日有啦，但椰汁未見過其他地方有賣嘅？幾好飲喎，好清甜，入面仲有粒粒椰果增加口感。
涼拌皮蛋（$18）皮蛋係至愛黎㗎，去到邊都點黎食。雖然賣相麻麻，但皮蛋夠綿滑正喎，最正係夠辣油，辣辣地加埋芫荽香超好味
川辣口水雞（$36）雞件夠滑，肉多骨少，皮下又唔算多肥膏，辣汁辣度剛好，但略鹹左啲，掉開啲辣醬食就ok，整體黎講都係好味嘅
麻辣小鍋米線+柱候牛腩+腩肉+墨魚丸（$50）朋友點左麻辣湯中辣，望落好紅呀～餸方面呢，因為佢係食肉獸，諗都唔諗就要哂腩，哈哈。牛腩軟腍，墨丸彈牙，最正係腩肉，夠肥又爽口，好味。
雖然好紅嘅麻辣湯，但都唔算好辣。
酸辣小鍋紅薯粉+豬大腸+豬脷+竹笙（$48）自己碗要左酸辣小辣，好多芽菜正喎。大腸滷得入味，好有咬口，豬脷對比黎講就唔係好夠味了，竹笙吸湯一流，超爽口。
酸辣小辣係唔辣嘅，亦唔多夠酸，下次可要中辣，不竟自己都幾重口味呢。
紅薯粉爽口彈牙，一路食一路吸湯，會變得越來越大碗，好飽啊。個人覺得湯底偏淡，但抵讚係食完無口渴
Post
