Video
Read full review
2021-04-20
157 views
WM cafe & bar 大埔安慈路八號花園4座WM Café and BarCafe & bar 一次過滿足你兩個願望，又有Cafe嘅咖啡同小食又有bar嘅酒同牛扒，環境幽靜得來又有啲氣氛，啱晒收工同朋友嚟食飯同傾偈。套餐一：WM威靈頓牛柳 $146 （包嘢飲, 甜品同餐湯）牛扒份量多，大食嘅你都未必食得晒，個皮脆得來又有口感，唔知仲以為係食緊曲奇，牛柳個質感好食到好似入口即溶，呢份威靈頓牛柳簡直係外脆內軟，加埋佢嘅獨門醬汁同特製薯蓉，從此愛上威靈頓牛柳，佢個薯蓉簡直令我對薯蓉改觀，入口即溶得來又食到入邊嘅細薯粒，冇得彈。好味指數:😋😋😋😋😋打卡指數:😋😋😋😋大份指數:😋😋😋😋😋性價比:😋😋😋😋(5😋為最高分)套餐2:南瓜貝煮意大利飯配香煎帶子 $94 （包嘢飲, 甜品同餐湯）意大利飯唔係人人都煮得好食，呢度嘅意大利飯煮得啱啱好，啲飯唔會太硬身亦都唔會太淋，每一粒飯都食到意大利嘅味道，講笑！每粒飯都食到唔同醬汁同南瓜嘅味道，加埋帶子，簡直係人間美食！好味指數:😋😋😋😋打卡指數:😋😋😋😋大份指數:😋😋😋😋性價比:😋😋😋😋(5😋為最高分)番茄湯& 龍蝦湯 (包)兩款湯味道雖然唔同但係
大埔安慈路八號花園4座WM Café and Bar
Cafe & bar 一次過滿足你兩個願望，又有Cafe嘅咖啡同小食又有bar嘅酒同牛扒，環境幽靜得來又有啲氣氛，啱晒收工同朋友嚟食飯同傾偈。
套餐一：WM威靈頓牛柳 $146 （包嘢飲, 甜品同餐湯）
牛扒份量多，大食嘅你都未必食得晒，個皮脆得來又有口感，唔知仲以為係食緊曲奇，牛柳個質感好食到好似入口即溶，呢份威靈頓牛柳簡直係外脆內軟，加埋佢嘅獨門醬汁同特製薯蓉，從此愛上威靈頓牛柳，佢個薯蓉簡直令我對薯蓉改觀，入口即溶得來又食到入邊嘅細薯粒，冇得彈。
好味指數:😋😋😋😋😋
打卡指數:😋😋😋😋
大份指數:😋😋😋😋😋
性價比:😋😋😋😋
(5😋為最高分)
套餐2:南瓜貝煮意大利飯配香煎帶子 $94 （包嘢飲, 甜品同餐湯）
意大利飯唔係人人都煮得好食，呢度嘅意大利飯煮得啱啱好，啲飯唔會太硬身亦都唔會太淋，每一粒飯都食到意大利嘅味道，講笑！每粒飯都食到唔同醬汁同南瓜嘅味道，加埋帶子，簡直係人間美食！
好味指數:😋😋😋😋
打卡指數:😋😋😋😋
大份指數:😋😋😋😋
性價比:😋😋😋😋
(5😋為最高分)
番茄湯& 龍蝦湯 (包)
兩款湯味道雖然唔同但係佢共通點就係好開胃，聞到都忍唔住飲晒同食晒入邊嘅蕃茄同龍蝦仔!
雪糕忌廉梳打 (+$18)
食料充足，足足有兩嚿大雪糕球，雪糕同忌廉梳帶都好match，我諗冇人會唔鍾意食!
廚師沙律 (+$8)
本來沒有太大期望，但係不得不讚就係份量充足，啲菜都好新鮮爽口!
意大利炸雞翼 (+$16)
雖然唔知係咪意大利嘅雞翼，但係好食就得啦，無論係賣相同口感都係一流，個人認為亦都幾抵食!
朱古力香蕉忌廉薄餅 (包)
鍾意食香蕉嘅朋友可以試吓，細細份作為飯後甜品啱啱好!
Post
