古早牛肉麵 (Closed)

平時好少經深水埗呢區,咁啱今日要買下少少電子器材,就順便去以堀下附近既美食,行行下見到呢間裝修格局都幾有復古台灣街邊小店既食店就係好奇心既驅使下入左去試試.招牌紅燒牛肉湯麵.湯底帶淡淡藥膳既味道,同時亦滲滿帶肉香既濃湯,深不見底.面上帶薄薄既紅油,味帶香辣,入口唔算過份油膩.不規則既手接麵條入口彈牙煙靭,掛上牛肉湯既味道十分惹味.宜蘭迷你蔥肉餡餅,外皮煎得夠脆而且餡餅皮本身皮薄,入口唔會感覺好厚實.一咬開餡餅內裏肉汁爆開,流到成個碗都係肉汁.入口蔥味夠香而不辣,蔥比肉多感覺都無咁油膩.巧克力珍珠奶茶,朱古力味都幾濃同時亦平衡到珍珠奶茶既味道唔會搶晒奶茶味.珍珠份量比預期中多,珍珠煮得熟透唔會中間咬好實顆粒.