Video
Read full review
2023-07-11
2171 views
之前喺佐敦分店飲過茶，已經打算夜晚會嚟試吓打邊爐，荃灣廣場「香江花月」出名高質火鍋，整間餐廳裝修都好華麗，襯返店名係懷舊feel做主題，處處擺放舊式物件佈置：紅色郵筒、紡織機、車衣機、熨斗，整堵牆放滿大線轆⋯⋯ 處處盡見細心位，簡直係打咭聖地。另設有間唔同風格嘅幻彩燈影房，好似進入咗另一個空間，仲以為自己去咗teamLab，都係俾客人打卡嘅專區。餐廳環境寛敞，枱與枱之間空間夠，大部分都係梳化位坐得舒適，仲有獨立大卡座，環境、服務、食物都出色，係同朋友閨蜜聚會嘅一個好地方。✥茉莉花雪梨茶坐低後，餐廳貼心奉上每人一杯welcome drink，茉莉花雪梨茶入口清甜溫潤，用金魚小杯裝住，襯返晒成個環境。✥醬料自助區設喺餐廳中間位置，放滿一疊疊雞碗同多款醬料，眼見都有幾組呢款設置，真係覺得餐廳完全唔吝嗇空間，等客人唔使好迫咁樣輪住混醬。✥秘製花雕豬肚鍋 $168滾咗即刻試吓頭啖湯先，胡椒味濃，紅棗、元肉、充滿藥膳香，淡淡甜味又有點回甘。材料十足，枝竹吸晒湯汁好正，豬肚有彈性嚼勁，鹹酸菜唔會過鹹，大量湯料食到尾都仲有得食，直頭係一味餸。✥香江併 $798一上枱賣相滿分，放滿全牛嘅圓圈擺盤實在太靚
另設有間唔同風格嘅幻彩燈影房，好似進入咗另一個空間，仲以為自己去咗teamLab，都係俾客人打卡嘅專區。
餐廳環境寛敞，枱與枱之間空間夠，大部分都係梳化位坐得舒適，仲有獨立大卡座，環境、服務、食物都出色，係同朋友閨蜜聚會嘅一個好地方。
茉莉花雪梨茶
30 views
0 likes
0 comments
✥茉莉花雪梨茶
坐低後，餐廳貼心奉上每人一杯welcome drink，茉莉花雪梨茶入口清甜溫潤，用金魚小杯裝住，襯返晒成個環境。
✥醬料自助區設喺餐廳中間位置，放滿一疊疊雞碗同多款醬料，眼見都有幾組呢款設置，真係覺得餐廳完全唔吝嗇空間，等客人唔使好迫咁樣輪住混醬。
秘製花雕豬肚鍋
28 views
0 likes
0 comments
✥秘製花雕豬肚鍋 $168
滾咗即刻試吓頭啖湯先，胡椒味濃，紅棗、元肉、充滿藥膳香，淡淡甜味又有點回甘。材料十足，枝竹吸晒湯汁好正，豬肚有彈性嚼勁，鹹酸菜唔會過鹹，大量湯料食到尾都仲有得食，直頭係一味餸。
香江併
54 views
0 likes
0 comments
✥香江併 $798
一上枱賣相滿分，放滿全牛嘅圓圈擺盤實在太靚，絕對係相機食先，八款靚牛間隔排住，掃QR code就可以知道淥牛肉嘅最佳時間。
⊚牛白肉~淥3秒鐘就可以，個人最鍾意食，牛油香味重，口感爽脆，嚼勁十足。
⊚牛柳粒~ 入口軟腍有肉汁，好適合打邊爐。
⊚手切肥牛~夠新鮮，脂肪平均，切得較厚，有咬口。
⊚牛心頂~ 淥3秒，雪白厚身，入口超爽脆。
⊚牛小腿~佈滿牛筋，有咬口。
⊚牛脷~唔好淥太耐，肉質軟嫩有彈性。
⊚黑柏葉~識食一定係食黑色，夠新鮮，更能保留原味道及韌勁口感，吸晒湯汁。
⊚安格斯肥牛~ 牛味香濃，玫瑰花造型靚。
七色丸
39 views
0 likes
0 comments
✥七色丸 $108
中式木架上枱好典雅，每格放住唔同顏色嘅丸子，顏色好靚。全部都係墨魚丸，爽口超彈牙，七隻顏色七隻味，我哋刻意唔睇咩味道而試吓，調味夠濃郁，都食得出係咩味。
⊚蟹子墨魚丸~蟹子脆卜卜，口感豐富。
⊚鹹蛋黄墨魚丸~鹹蛋黃夠香，有一點點起沙嘅口感，同墨魚丸好夾。
⊚青咖喱墨魚丸~青綠色丸夠特別，明顯食得出係青咖喱嘅香味。
⊚紅咖喱墨魚丸~咖喱味濃，香辣味喺口慢慢擴散。
⊚黑松露墨魚丸~黑松露香氣濃郁，after taste頗長。
⊚南乳墨魚丸~入口時有種傳統嘅味道好熟悉，但又醒唔起，當開估時又覺得真係喎。
⊚椰芋墨魚丸~味道有啲似芋頭椰奶西米露，都幾特別。
香芳幻、鳳流香
9 views
0 likes
0 comments
係菠蘿汁同薑味汽水沖調，最正係店員會即時喺杯上噴出煙燻氣泡，再多噴幾個氣泡從高飄降落嚟，呢個時候打咭就要快手，爆破後瀰漫住陣陣菠蘿香氣，好浪漫啊！味覺視覺雙重享受。
✥香芳幻 $88
顏色好夢幻，充滿椰奶香，果香加淡淡乳酸味道，係有菠蘿汁、紅桑莓同酸奶沖調，椰奶蛋白泡沫放面。
#香江花月荃灣大壩街4-30號荃灣廣場L6樓621-630B號舖
Post
