御老鍋台式火鍋 (Closed)

踏入深秋，「滋補」係重要嘅飲食主題，尤其是近排涼風颯颯，充滿涼意，又有啲乾燥，飲食方面會想刻意揀啲滋潤嘅菜式或食材！今次嚟到御老鍋台式火鍋打邊爐，火鍋店嘅位置幾好，喺君怡酒店一樓，避免街邊人群熙來攘往情況，火鍋店裝修古色古香、環境寬敞，尤其鍾意張枱夠寬闊，同時間放六七碟食材都綽綽有餘，唔會阻手阻腳！今次打邊爐，由湯底到其中幾樣食材都好滋補，涼風天食落暖笠笠之外，感覺潤燥舒服！➺➺御·前膠原蛋白美人鍋$238湯底由烏雞、枸杞子、淮山、紅棗、圓肉、金華火腿等有益食材熬製而成，滋陰補腎，養肺健肝！加上大量桃膠， 養顏滋潤！搶係打邊爐淥食物之前飲頭啖湯，湯水清甜得來，又充滿住濃濃嘅食材精華味道，係一碗美味嘅老火湯！➺➺西班牙極品黑豚肉眼卷$168黑豚肉薄片淥幾秒就熟，油脂分布平均，肉質彈牙，有口感！➺➺花膠筒$1686大隻接近手掌長度嘅花膠筒，厚身爽滑，啖啖骨膠原同蛋白質，係養顏珍品！女士最愛！➺➺珍寶羊肚菌$148羊肚菌多數用嚟煲湯，打邊爐食真係第一次，感覺幾彈牙，聽聞好有營養價值！➺➺水耕生菜苗$68水耕菜多數用嚟做沙律菜，所以就咁生食都得，落鍋淥就幾秒食得，感覺比一般生菜更爽更清甜！➺➺