蟹仙海鮮蒸氣鍋 (仁愛街) (Closed)

同幾個同事食完個嬲爆tea set，打算行一陣去食個海鮮蒸鍋補返心理陰影，上openrice搵到依間食評幾好，咁就打去訂枱啦，去到間店幾細，比左張門口旁邊有蟹的枱比我地，但好腥味頂唔住轉枱，好彩都有枱轉，本身打算食最普通個餐試水溫，但個疑似老闆娘就狂sell貴啲既餐，又話大隻啲，咁就試下啦，職員會幫我地放海鮮去蒸，職員一夾落鍋，見到鮑魚元貝貴花蚌同殼係分開，重點係未熟時已分開喎，我都心知不妙，同事多口問職員點解未熟已分離，職員說佢地洗得好乾淨所以唔會有沙，我真係反左白眼，一食落口真係唔太新鮮，冇咩鮮味，終於有樣係連殼，就係蠔，但係勁腥，好彩蟹同龍蝦係新鮮，最後食埋個粥，唔夠味，依餐又係食完等於冇食咁，雖然全日都黑仔，但同一班同事傾得好開心，彌補到心理陰影