Video
Read full review
2013-08-20
55 views
喺旺角，要搵食好易，林林種種咩都有，但呢一日，我同我d 朋友就有d頭痛啦，我地又想食海鮮，生蠔，有人又想食牛排，有人又想飲酒傾計，亦有人想食d小食，仲想價錢係合理，最好係大眾化，如果要滿足晒我地呢班麻烦既朋友，我諗我地要去2至3間餐廳先可以做晒我地以上既野!喺我地諗緊既時候，上openrice睇下，就見到一間算新開既餐廳，就係amour la,我地又膽粗粗去試下，雖然佢係旺角，但原來佢近油麻地，門面都叫易搵既，打電話去問地址點行，個接線生都好有禮貌，一去到，嗰日都多人，我地5個人，我地一到門口，立即有個靚仔待應即刻好有禮貌問我地幾多位，之後話要稍等一陣，要執執枱先比我地入去，望入去，環境都好暗，好似好有情調咁，入面既人都面上有笑容，咁我就同我d朋友講，都好似幾ok..第1印象有分，入到去就立即睇meun，款式種類有好多，待應都好好，遂一為我地介紹，提議我地食咩最好，之後我地一見生蠔就話要每人3隻先，再黎螺，蝦，仲有面包蟹，之後叫左d肉類，意粉，仲有小意大利飯，小食雞翼，我地好開心，好滿足，因為呢度一次過可以滿足晒我地5位小姐!我地仲叫左雞尾酒飲下，但講真我地唔夠膽叫ka初頭，因為調較雞
再講返野食，海鮮方面絕對新鮮，生蠔同面包蟹，仲有(某)單蝦，係一定要食，又大又有肉，正 !!意粉有個茄汁大蝦意粉都好好味，一試就知唔係求其整既，仲有個牛排，6成熟，有血與無血之間，簡直無得頂，仲有羊架，雖然我唔食羊架，但我見我d朋友食到無停手，咁應該好好味既。
當我地食晒咁多野之後，待應就拎甜品比我地，係個布丁咁既野，我望到都飽啦！但試左一啖之後，覺得好好味，就好快食晒啦！本身我地諗住去第2度飲野傾計繼續，嗰時已經11點，之後有朋友提意不如留返喺呢度，又唔使行黎行去，又有酒飲，問佢地關幾點，佢地1點至2點，正。。。咁就岩晒啦!總括黎講呢度有好多個好處，又喺mk.個個返屋企都好方便，間餐廳門口好多的士，好方便，埋單食左咁多野，飲野咁多杯都係每人400埋單，真係好抵，呢個地方我一定會再黎。。。
Post