Video
Read full review
2019-03-31
29 views
講起樓下冰室，一直以黎都係食開路德圍果間，知道原來荃薈都有間分店就決定同朋友試下佢地嘅質素有冇keep 到啦😛一去到發現呢間分店原來大間過路德圍分店好多，多好多卡位得黎門面裝修亦比較精致有香港特色，真係有種香港舊式冰室嘅感覺，坐得好舒服。首先第一樣梗係叫左佢嘅招牌- 瑞士雞翼先啦！一如以往，瑞士汁用滷水，老抽生抽秘製而成，鹹中帶微甜，雞翼完全入曬味，同朋友都不理儀態咁用手拎住黎食😛我自己叫左吉列豬扒蕃茄滑蛋米線加鮮牛肉，吉列豬扒炸粉唔會過厚，保持到入面嘅豬扒滑嫩多汁得黎唔會太油膩。 鮮牛同滑蛋配埋蕃茄湯底口感好豐富👍🏻👍🏻朋友就叫左芝士菠菜蕃茄通粉，本身以為會係一pat 熱溶芝士鋪係上面，原來係將芝士撈埋落蛋汁到煮，加埋菠菜出黎嘅效果唔錯。野飲我就叫左華田脆脆，好滿足🤤最後每人都係食左六十蚊左右，以後除咗路德圍又多左個選擇啦！！
一去到發現呢間分店原來大間過路德圍分店好多，多好多卡位得黎門面裝修亦比較精致有香港特色，真係有種香港舊式冰室嘅感覺，坐得好舒服。
首先第一樣梗係叫左佢嘅招牌- 瑞士雞翼先啦！
一如以往，瑞士汁用滷水，老抽生抽秘製而成，鹹中帶微甜，雞翼完全入曬味，同朋友都不理儀態咁用手拎住黎食😛
我自己叫左吉列豬扒蕃茄滑蛋米線加鮮牛肉，吉列豬扒炸粉唔會過厚，保持到入面嘅豬扒滑嫩多汁得黎唔會太油膩。 鮮牛同滑蛋配埋蕃茄湯底口感好豐富👍🏻👍🏻
朋友就叫左芝士菠菜蕃茄通粉，本身以為會係一pat 熱溶芝士鋪係上面，原來係將芝士撈埋落蛋汁到煮，加埋菠菜出黎嘅效果唔錯。
野飲我就叫左華田脆脆，好滿足🤤
最後每人都係食左六十蚊左右，以後除咗路德圍又多左個選擇啦！！
Post
