Burgeroom (Moved) New Location

聼過朋友嘅推介,這天去開銅鑼灣就即管一試。只是一間小店,但就發現好多新奇嘅漢堡,又有軟殼蟹漢堡,又龍蝦漢堡。我同女友最後選了大烤菇牛肉漢堡同軟殼蟹漢堡,小食就選了芝士條。兩個漢堡都叫店員切開了一半,同女友一齊試試。先講大烤菇牛肉漢堡,牛肉食得出唔係一般平價既牛肉,咬落去仲好juicy,成手都係肉汁,大烤菇既菇味好香,一半牛肉一半菇令到食既時候感覺冇咁heavy,加埋芝士同埋醬汁E家諗起都想即刻再食。跟住就係果個怪怪既軟殼蟹漢堡,本來都冇抱太大期望,但係女友要食冇辦法la,雖然個賣相好奇怪,望到個包都想笑,成隻蟹夾係個包入面,唔知點樣食,但係食落去又真係非常ok wor...加埋佢入面既牛油果,個味道真係非常match,都幾值得推介,個賣相又得意又好味。芝士條都好搞笑,就咁睇佢個樣都唔知一咬落去d芝士可以拉到成尺長,味道都幾好,淨係用來玩都值回票價。呢間漢堡小店,絕對可以再去。