漁獲浜燒 (Closed)

阿姐簽左大客，今晚請食飯，叫我book 檯，我當然唔同佢慳啦，揀左我想食好耐嘅漁獲浜燒！ 兩個人點了一份刺身同一份盛盒！揀左隻龍蝦，好靚仔呀！😎刺身係極度新鮮！龍蝦刺身爽口、鮮甜！ 油甘魚吞拿魚油滑，入口有化的感覺，好溫馨。海膽清甜，夾青瓜吃更清新。牡丹蝦大大隻，肉質結實，甜甜的👍🏻👍🏻👍🏻燒的已經準備好！大大隻帶子，蟹腳，鮑魚，蠔帶子首先要燒開殻，再去清洗一下，要一陣再見啦👋🏻燒蠔有一手，半熟不生，蠔身嫩口得來，旁邊部份燒完更香口！鮑魚好嫩口，燒得剛剛好！頭先仲見到佢蠕動，雖然有點殘忍，但係真係回味無窮。蟹腳新鮮，唔會生死戀，一開d肉就起曬！鮮甜👍🏻👍🏻👍🏻帶子可以選清酒煮或者牛油，清酒燒的比較鮮甜，牛油燒的比較香口，兩種都好味！帶子肥嘟嘟，店員仲要燒爆帶子橙色內臟部份，燒香左入口即化。最後龍蝦殻起肉，再切粒撈麵豉釀入龍蝦頭燒，一點食材都無浪費！ 味道有點似龍蝦湯，我第一次龍蝦由頭食到尾，每一部份都食到它的鮮！最後，甜品一定要食！番薯雪糕日本直送，係將番薯雪糕釀入喺空心番薯仔內，帶點蜜糖清甜，好味！