樂宴 (永光中心)

今日想食日本野，午市唔算多人，座位坐得舒服。睇睇餐牌，揀咗一個午餐及散叫。基本上有定食、串燒、小食等等。叫咗牛舌串，牛舌燒得剛剛好，唔會太乾。夠juicy ，牛味香，調味夠。另外叫咗沖繩炸雞，炸雞份量睇落去一小碟，但係食食吓份量都唔少。佢仲配有少少沙律菜。定食揀咗銀雪魚西京燒，賣相幾精緻。如果外賣都幾吸引。便當有前菜、甜品，飯嘅份量都幾多。另外仲有沙律及麵豉湯，其實都相當之豐富。性價比高，而且味道唔錯。叫咗個飛驒牛烏冬，烏冬一碗細細地飛驒牛，有幾薄片，牛味好香。可一試。