Video
Read full review
2025-02-22
3843 views
五星級酒店零死角飽覽維港海景🌊 任食串燒同壽司都唔洗😍！ 環境 揉合秘魯元素嘅日本料理Nobu由頂級日本料理代表人物松久信幸先生(Nobu Matsuhisa)領軍， 餐廳環境超好，全餐可以對正維港海景享用！ Kushi-Maki $698/位 (每周一 晚餐限定) 星期一晚餐限定嘅Kushi-Maki包含小食拼盤、無限量供應串燒及壽司。 小食拼盤小食拼盤有枝豆、日式漬物、燒日本青椒、金槍魚粟米脆片、龍蝦粟米脆片及三文魚粟米脆片。 Free Flow 串燒小食拼盤之後就有串燒，共有5款，雞肉、牛肉、帆立貝、蝦、蔬菜，牛肉帶脂肪得黎，油脂比例剛好，帆立貝半生熟口感，全部起碼refill 一次😆 Free Flow Maki 至於壽司，Maki同樣有5款，有鰻魚＆青瓜卷、蝦天婦羅、三文魚＆牛油果卷、辣味金槍魚卷及加州卷，每位仲送海膽及吞拿魚🍣，Maki皆沾上黑白芝麻，添加香氣，刺身餡新鮮清甜🩷 但我哋留肚要加配食埋Nobu招牌菜！ 主菜 主菜可以優惠價$198加配，必點享負盛名嘅Nobu招牌菜「鱈魚西京燒」，真係唔洗點咬極為嫩滑🥹必！須！加！配！另一款羊架同樣唔錯，羊羶香恰到好處。 甜
五星級酒店零死角飽覽維港海景🌊 任食串燒同壽司都唔洗😍！
環境
揉合秘魯元素嘅日本料理Nobu由頂級日本料理代表人物松久信幸先生(Nobu Matsuhisa)領軍， 餐廳環境超好，全餐可以對正維港海景享用！
Kushi-Maki $698/位 (每周一 晚餐限定)
星期一晚餐限定嘅Kushi-Maki包含小食拼盤、無限量供應串燒及壽司。
小食拼盤
小食拼盤
64 views
0 likes
0 comments
小食拼盤
107 views
0 likes
0 comments
小食拼盤有枝豆、日式漬物、燒日本青椒、金槍魚粟米脆片、龍蝦粟米脆片及三文魚粟米脆片。
Free Flow 串燒
串燒
12 views
0 likes
0 comments
Free Flow Maki
Maki
85 views
0 likes
0 comments
至於壽司，Maki同樣有5款，有鰻魚＆青瓜卷、蝦天婦羅、三文魚＆牛油果卷、辣味金槍魚卷及加州卷，每位仲送海膽及吞拿魚🍣，Maki皆沾上黑白芝麻，添加香氣，刺身餡新鮮清甜🩷 但我哋留肚要加配食埋Nobu招牌菜！
主菜
鱈魚西京燒
31 views
0 likes
0 comments
羊架
19 views
0 likes
0 comments
主菜可以優惠價$198加配，必點享負盛名嘅Nobu招牌菜「鱈魚西京燒」，真係唔洗點咬極為嫩滑🥹必！須！加！配！另一款羊架同樣唔錯，羊羶香恰到好處。
甜品
特色芒果芝士蛋糕配青咖哩雪葩
19 views
0 likes
0 comments
日本士多啤梨蛋糕配香草雪糕
11 views
0 likes
0 comments
自家製麻糬
24 views
0 likes
0 comments
甜品同樣有驚喜🙈 本身套餐包雪糕一球，我哋選擇+$98 加配特色芒果芝士蛋糕配青咖哩雪葩、日本士多啤梨蛋糕配香草雪糕及自家製麻糬，唔係講笑，三款都好有驚喜！尤其係日本士多啤梨蛋糕🍰，個名平平無奇，但係一切開超有驚喜，原來係用白朱古力同蛋糕梅花間竹咁分層做出口感，完全係功夫心機嘅甜品🥹而且甜度啱啱好，配搭士多啤梨天然嘅酸甜，超級好食🤤 青咖哩雪葩十分有特色，本身有啲驚難入口，但係完全唔奇怪，仲要幾好食。而自家製麻糬同樣好有驚喜，入邊有類似花生脆片增加口感，令整體煙靭得來又有脆脆口感，多重驚喜。
Free Flow 飲品
Free Flow Drinks
222 views
0 likes
0 comments
對住咁靚嘅景色，有佳餚當然要有美酒搭配🍷，我哋都加埋Free Flow package ，有三個價位，選擇中間價$268/位，已經包酒精！包括：柚子威士忌梳打，威士忌梳打、有氣日本清酒、大吟釀、純米大吟釀及啤酒🍻 有氣日本清酒「七賢」，自家45%精米步合嘅純米大吟釀及由「北雪」酒造專為Nobu釀造嘅頂級大吟釀，而有氣泡焙茶都好搭全晚嘅茶式，最後仲嘆返杯咖啡☕️
以中位價錢係五星級高級餐廳用膳，整晚體驗都十分滿意💕，仲要係Free Flow再加食物有質素，飲品選擇方面都唔馬虎，絕對推薦🫶🏻
Post
