張三

Open Now

Now Closed

本身都唔知道張三係點解，但嚟到之後就明白，原來呢間餐廳係一家三口經營，而佢地家人係姓張，就係代表張家三口，明白之後即時覺得呢個名有好溫馨既感覺。餐廳主打木系裝修，好有Cafe既清新感覺，非常舒服。食物方面我地叫咗一個set，再散叫。Dinner Set我地揀咗個美國牛肩胛扒巴薩米可黑醋($218)，其他都散叫。呢個牛肩胛扒係五成熟，好好食，首先塊牛非常之大塊，份量好足，而味道方面切落去好爽口，一啲都唔「銀」，好軟身，食好多都無問題。朋友話好鍾意呢個有機三色藜麥雜菜沙律。加拿大豬鞍扒伴芥未籽醬($182)，呢塊扒好厚，食落去肉汁都好夠。辣雞翼，好大一舊，都真係有啲辣，但係幾好食。蝶豆檸檬梳打($42)，好少地方會有蝶豆飲品，食落去幾得意，甜甜酸酸。甜品，好好食個芝士餅底！