廟街小食 (Moved) New Location

每次去廟街，都係食煲仔飯，原來廟街都有串燒食，仲有室內座位坐，唔洗熱。喺門口串燒檔揀下想食咩串燒，可以自己直接執，執完一籃就交比店員，攞個牌，就可以入去坐低，涼住冷氣等食，如果想外賣都得，都唔見有寫話要食幾多先可以坐喺度食，有好多位。串燒會由個師傅即刻炭燒，所以好香。串燒款式都唔少，又唔係話好貴。要辣嘅話會有啲辣汁，我只係要咗好少，不過都幾辣。魷魚香，其他肉都燒得出面幾脆，都仲juicy，啲丸都幾彈牙。