Video
Read full review
2021-02-07
1931 views
廚師發辦夠親民，元朗搵食冇頭痕。——今次黎到《二月廿九》拍攝地，食個omakase😚唔算好驚艷，正正常常啦，呢個價錢呢講都ok嘅👌.Omakase ($550)另有$680選擇，嗰個Set會多啲吞拿魚嘅款式。.前菜嘅茶碗蒸(圖二)唔錯！好滑，有松露醬係上面味道更上一層樓😆.刺身四品(圖四）最鍾意係松葉蟹肉，味道鮮甜。赤貝肉質爽脆，可惜味道好淡...有啲失望😟生蠔都幾肥美，但唔特別鮮甜😖.帆立貝壽司(圖五)師傅好似sum咗啲類似柚子皮嘅嘢上去，味道清新，幾特別！.吞拿魚赤身壽司(圖六)背部嘅位置，唔似拖羅咁多油脂，口感比較結實，不過不失。.大拖羅壽司食完個瘦嘅食返個肥膩嘅🤣未至於非常肥美超級多油，但都油香滿溢👍🏻.火炙鯖魚壽司(圖七）入口有微微焦香嘅味道，不過鯖魚味道唔係好特出，一般般。.火炙銀鱈魚壽司(圖八）成餐第二鍾意嘅壽司🤣銀鱈魚獨特嘅香味好濃郁。好厚肉，滑嫩嘅口感😍.甜蝦壽司(圖九）第一名就係佢！🥰贏在上面個蝦膏醬，師傅話係用咗好多蝦頭熬出黎嘅秘制醬。真係好香！蝦膏嘅精華，加上甜蝦嘅甘甜，正😋.火炙鰈魚邊壽司(圖十）師傅解釋咗好多嘢，話平時食開/聽開嘅左口魚裙邊，其實好多都係右口
廚師發辦夠親民，元朗搵食冇頭痕。
——
今次黎到《二月廿九》拍攝地，食個omakase😚唔算好驚艷，正正常常啦，呢個價錢呢講都ok嘅👌
.
Omakase ($550)
另有$680選擇，嗰個Set會多啲吞拿魚嘅款式。
.
前菜嘅茶碗蒸(圖二)唔錯！好滑，有松露醬係上面味道更上一層樓😆
.
刺身四品(圖四）
最鍾意係松葉蟹肉，味道鮮甜。赤貝肉質爽脆，可惜味道好淡...有啲失望😟生蠔都幾肥美，但唔特別鮮甜😖
.
帆立貝壽司(圖五)
師傅好似sum咗啲類似柚子皮嘅嘢上去，味道清新，幾特別！
.
吞拿魚赤身壽司(圖六)
背部嘅位置，唔似拖羅咁多油脂，口感比較結實，不過不失。
.
大拖羅壽司
食完個瘦嘅食返個肥膩嘅🤣未至於非常肥美超級多油，但都油香滿溢👍🏻
.
火炙鯖魚壽司(圖七）
入口有微微焦香嘅味道，不過鯖魚味道唔係好特出，一般般。
.
火炙銀鱈魚壽司(圖八）
成餐第二鍾意嘅壽司🤣銀鱈魚獨特嘅香味好濃郁。好厚肉，滑嫩嘅口感😍
.
甜蝦壽司(圖九）
第一名就係佢！🥰贏在上面個蝦膏醬，師傅話係用咗好多蝦頭熬出黎嘅秘制醬。真係好香！蝦膏嘅精華，加上甜蝦嘅甘甜，正😋
.
火炙鰈魚邊壽司(圖十）
師傅解釋咗好多嘢，話平時食開/聽開嘅左口魚裙邊，其實好多都係右口魚邊。當我以為咁呢個姐係火炙右口魚邊壽司啦，再問清楚師傅話係鰈魚邊。左口/右口都係屬於鰈魚類？所以我都唔知自己食緊左定右haha🙈
Anyway，味道係唔錯嘅，魚油豐富
，食落香口。但因為食呢個之前已經食咗兩個火炙，全部都比較肥，再黎多個真係覺得有啲膩，好彩中間有個甜蝦擋一擋。
.
三色丼（圖十二）
冇乜特別😂海膽唔算特別甜，吞拿魚蓉還好，三文魚籽食食下甚至覺得有啲啲腥。
.
——
📍寿司の神
元朗馬田路安寧大廈20-30B七號地舖
Post
