Video
Read full review
2020-10-19
159 views
今日朋友請食日本料理，咁梗係揀啲高級嘅餐廳黎食啦！呢間唔止夠多好評，原來仲係好鍾意香港嘅鋪頭，咁就真係要黎試試喇！呢度有張好長嘅吧枱，可以正面對住師傅食野，仲可以睇倒佢地整食物嘅步驟，重點係呢個刺身櫃，我真係好想嗌晒佢地刺身黎食啊師傅對擺盤都好有心思，擺得好靚呢度嘅好處仲係，侍應會好好同詳細咁介紹呢度有咩好食。當然一啲平民同常見嘅魚生都會有，但佢地大大力推介寫起牆上面嘅廚師推介，都係一啲時令而唔係經常有，普通人都好少食嘅菜式。所以今次我都係聽侍應介紹，叫咗一堆我未食過嘅野。呢個係白子刺身，我事後先知原來係魚嘅精囊 真係好獵奇，我本身仲以為係腦部。但食落果陣一啲腥味都冇，口感仲軟棉棉，好creamy，味道好鮮，真係好驚喜！呢個係鮟鱇魚肝，食落好似鵝肝咁樣，但係冇咁膩，好香好濃嘅脂香味呢個就係regular item, 味噌煮和牛腹，超級驚艷！和牛嘅脂肪位一直係香味嘅來源，佢就切到每人舊都有脂肪同埋肉，所以每一啖嘅味道都係好平衡嘅。而佢個汁真係好好好好味，如果用黎送飯就正！呢個就係真正驚喜嘅來源！都係侍應大大力推介。我原本以為，粟米渣嘛。但食落先發現，佢係超juicy超甜，好似高級嘅雪梨咁
呢度有張好長嘅吧枱，可以正面對住師傅食野，仲可以睇倒佢地整食物嘅步驟，重點係呢個刺身櫃，我真係好想嗌晒佢地刺身黎食啊
師傅對擺盤都好有心思，擺得好靚
呢度嘅好處仲係，侍應會好好同詳細咁介紹呢度有咩好食。當然一啲平民同常見嘅魚生都會有，但佢地大大力推介寫起牆上面嘅廚師推介，都係一啲時令而唔係經常有，普通人都好少食嘅菜式。所以今次我都係聽侍應介紹，叫咗一堆我未食過嘅野。
呢個係白子刺身，我事後先知原來係魚嘅精囊 真係好獵奇，我本身仲以為係腦部。但食落果陣一啲腥味都冇，口感仲軟棉棉，好creamy，味道好鮮，真係好驚喜！
呢個係鮟鱇魚肝，食落好似鵝肝咁樣，但係冇咁膩，好香好濃嘅脂香味
呢個就係regular item, 味噌煮和牛腹，超級驚艷！和牛嘅脂肪位一直係香味嘅來源，佢就切到每人舊都有脂肪同埋肉，所以每一啖嘅味道都係好平衡嘅。而佢個汁真係好好好好味，如果用黎送飯就正！
呢個就係真正驚喜嘅來源！都係侍應大大力推介。我原本以為，粟米渣嘛。但食落先發現，佢係超juicy超甜，好似高級嘅雪梨咁！
呢個甲羅燒，都係又一必食推介。佢嘅蟹糕好香，配埋隻日本蛋，非常之濃厚。
呢個係秋刀魚刺身。秋刀魚燒嘅就食得多，刺身真係第一次。上碟果吓好驚喜，竟然可以砌到好似兩朵花咁，打卡一流呀！佢嘅油脂唔多，但魚味好重！大開眼界
燒子持香魚，同樣係時令推介。佢入面好多魚春，魚肉都好香。佢以細魚黎講都算容易食，因為啲骨一起就冇晒
呢個係日本真蠔！好霸氣嘅擺碟，令和之怪物！我朋友平時食開蠔，佢話呢隻蠔比較易入口，味道唔會太濃，所以好多人都食倒～
今次真係大開眼界，食時令嘅菜式，令我食咗好多就算去日本旅行都未必食倒嘅野，好推介大家都多多留意吓佢塊廚師推介menu,同埋支持良心店舖！
Post
