晨興書院宴會廳

Open Now

Now Closed

今日入中文大學搵朋友，朋友帶我係campus入面食lunch!呢度環境好優美，入到學校好有青春嘅感覺不過呢間餐廳位置就比較偏僻一點，如果唔係朋友帶我嚟，我都唔知點搵到落樓梯到餐廳，全自助下單嘅，午餐價錢大概都係三十零蚊左右。我點咗鮮茄焗豬扒紅米飯 HKD$36 ，跟埋杯熱飲。(見佢紅米飯好似好健康咁)餐廳有室內和室外，見今日天氣幾舒服，我地揀咗坐室外，個環境好正，望出去就係吐露港同馬鞍山，呢個View就好似人地去D高級餐廳咁，幾享受。食物質素方面就一般學校Canteen質素啦，唔會有太大驚喜，個焗飯略嫌有D凍，只係微暖感覺，豬扒有D硬，但係用紅米配算係幾特別幾健康。點都好，呢個價錢呢個View，真係幾吸引嘅。食完飯仲可以同朋友吹陣水，唔會有人趕你走。