玉桃軒酒家 (康怡廣場) (Closed)

平時講開太古，大家都好自然想起太古城中心商場，今次我地一行人就專登去到康怡廣場搵下好野食，由於食慣西餐日本野既朋友建議，所以就去到一間中菜餐廳-玉桃軒。南乳醬金脆骨，一睇餐牌就比佢個外觀吸引叫左，黎到發現果然冇叫錯，未擺上枱已經有一陣南乳香味撲鼻而來，金黃色既表面炸得非常香脆，內裡的肉汁亦非常成功的被鎖住，所以我一連食左五六件，亦原會覺得口乾。樓上樓糯米蒸走地雞，呢個又係大力推介，份量非常大的糯米蒸走地雞，一份已經夠三四個人食，而且雞肉亦夠晒新鮮，配上冬菇和香蔥，令細食既朋友都一再添食。