182
16
4
Exit A, Tai Koo MTR Station continue reading
All Branches (3)
Telephone
25139107
Additional Information
招牌菜: 蜜汁叉燒皇 / 京式片皮鴨 / 法式焗釀響螺 / 富貴飯焦上湯燴鮑翅
Opening Hours
Mon - Sun
08:00 - 16:00
18:00 - 00:00
Payment Method
Visa Master AE Cash UnionPay
Other Info
Alcoholic Drinks
May Bring Your Own Wine Details
VIP Room
Phone Reservation
10% Service Charge
Review (211)
Level4 2019-01-04
484 views
友人外遊回港,給我買了一些手信,而且還要專程拿來給我,實在太令人感動。既然好友咁有我心,我當然要一盡地主之誼,帶佢去我嘅主場度嘆下茶食下點心,而今次就揀咗位於康怡廣場北座的「玉桃軒」。呢間酒家每逢星期六、日同平日中午都非常旺場,為免排隊輪候,所以選了個較早的時段入座,而且更特意揀咗個開揚光猛的窗口位,坐得既鬆動又舒服。坐低後先開壺鐵觀音,然後再請友人代為揀點心。無嚟一排,原來茶錢同點心都已經加咗價,幸好升幅只屬輕微。先來的椰汁炸饅頭 ($19),外形小巧,的的骰骰,加上炸至色澤金黃,入口外脆內軟,沾上煉奶吃,既香口又不過甜。接著上桌的沙律明蝦角 ($30)  亦炸得非常脆口,不但皮薄餡多,而且入面嘅蝦肉好鮮香,加上外層無泛油光,食落一啲都唔油膩,配沙律醬吃,滋味一流。一品貴妃雞飯 ($42),碗雞飯賣相雖然唔算好靚仔,但原來入面的雞件份量都幾多,而且食落味道都唔錯,入口皮爽肉滑,配上軟硬適中嘅白飯同薑蔥,風味滿載。明爐即燒叉燒皇 ($58),叉燒係酒家的招牌菜,當然唔可以錯過。以梅頭做的叉燒,質素的確唔錯,肉質夠曬鬆化軟腍,加上肉味濃郁,食落帶嚼勁,肥膏又唔多,細嚼下還隱約飄散出玫瑰露的酒香,以蠔油豆伴吃,鹹鹹香香,非常好味。壓尾的肉碎四季豆 ($48) 亦做得很有水準,不但色澤翠綠,而且條條都切至長短一致,入口清甜爽脆,加上欖菜伴炒,令肉碎的味道更為突出,兩者的平衡做得很好,鹹香惹味。總括嚟講,呢間酒樓的食物質素不錯,令人滿意,不但環境舒服,而且服務態度友善,應該會 keep 住幫襯。 continue reading
(The above review is the personal opinion of an user which does not represent OpenRice's point of view.)
A姐話好耐無見過A媽同A爸,所以剛過去嘅星期日就係Family Day,Family Day嘅活動第一件事就梗係飲茶啦!而飲茶等位呢啲粗重嘢就梗係我M佬做㗎啦!今日我哋就去到太古康怡廣場嘅玉桃軒酒家,位唔算等得耐,反而我同A媽同A爸就等咗A姐好耐囉。不過,可以一齊飲吓茶食個包,共聚天倫都唔錯。沙嗲蒸土魷份量超多!沙爹味香濃,彈牙嘅土魷索晒沙爹味,好惹味!但更好味嘅當然係墊底嘅粉絲啦,索晒全部嘅精華,最好味。鮮蝦菜苗餃皮夠晒薄,菜苗幼嫩,口感爽脆,仲有爽口鮮蝦,口感一流。 懷舊千層糕有別於一般嘅千層糕,雖然蛋黃味幾出,不過,就無做到千層嘅效果。蟹籽蒸燒賣皇A姐飲茶點心中最愛嘅最愛就係燒賣,玉桃軒酒家嘅燒賣皇只係大點,夠晒抵食。燒賣皇入面除咗有大大粒嘅鮮蝦,仲有豬肉嘅油香,不過就未見到有蟹籽喇。玉桃晶瑩蝦餃皇皮薄晶瑩,但皮又唔易爛,好考功夫。而餡料爆多,鮮蝦彈牙,不錯!金粟香煎墨魚餅金粟香煎墨魚餅煎得脆,又唔會好油,入面仲有唔少花枝粒同金粟,相當唔錯!蜜汁叉燒滑腸粉腸粉夠滑,但最正係叉燒爆多,蜜汁味香濃。 continue reading
(The above review is the personal opinion of an user which does not represent OpenRice's point of view.)
Level4 2018-07-24
3330 views
難得放一日假當然要同媽媽飲茶孝順一下。所以就近近地嚟咗呢間度食返個下午茶。明爐即燒叉燒王,聽聞呢度嘅叉燒唔錯所以就帶返一個例牌試吓上到台之後發覺叉燒脂肪同肉嘅比例唔差一層脂肪一層肉而且仲非常之熱辣辣同埋絕對夠肥所以好容易樓而且面頭上嘅物質比例都幾識仲更加特顯到肉嘅甜味。蟹子蒸燒賣皇, 呢個就要稍為要等一啲時間,因為睇得出係即叫即整,所以上枱熱辣辣。而且調味都唔錯,唔會太鹹,同埋每一個入面都有一隻鮮蝦,份量充足。韭菜鮮蝦春卷,面頭炸得都幾脆,不過稍為有少少放耐左,有少少硬,入面嘅韭菜同埋蝦肉都幾多,皮唔會太厚,所以整體上都不錯。香煎瑤柱蘿蔔糕,雖然見唔到入面有瑤柱,不過蘿蔔佔嘅份量都幾多,而且完全睇到有粗條嘅蘿蔔。加上有少少蝦米同臘腸,所以都幾香。美中不足嘅係如果可以熱些少就更加好。最後因為太耐冇食壽包所以就叫左個食。絕對有意料之外嘅驚喜因為入面都幾送花而且蓮蓉都幾多唔會就住,加上入面有一個都唔錯流晒油嘅鹹蛋黃,令整體的包更加香,而且價錢都唔貴,抵過食叉燒包。最後,雖然職員嘅服務態度唔算太好,不過飲茶就預咗。而且最重要係唔會有漏單的情況出現,所以都還可以。 continue reading
(The above review is the personal opinion of an user which does not represent OpenRice's point of view.)
Level3 2019-01-09
125 views
家母生日,整左半圍龍蝦全包宴賀一賀佢。價錢已包加,茶介同汽水。五福喜臨門:估唔到個叉燒係幾肥味,好耐無食過好食既叉燒。燒腩仔皮脆,啖啖肉點埋黃芥末超正。龍蝦伊麵:龍蝦唔係太多肉,伊麵味道有d 淡,食到到喉唔到肺。醬皇花姿蚌片:都係例牌酒樓果味野,不過佢個醬有少少辣都幾惹味。素鵝拼紫菜卷:試左紫菜卷,個皮好薄好鬆化,都幾得意。竹笙海皇燴生翅:呢個勁足料,佢d 竹笙真係超爆多。蔥油大海斑:一個字"滑"鮮竹益菌泡翡翠:本身唔鍾意食菜,但佢d 菇上面d 汁幾好味,清新得黎唔會有寡既感覺。脆皮雞: 雞好滑皮好薄好脆,又係到喉唔到肺,可能我太大食。蟹籽薑米蔥花蛋白炒飯:又一清新之選,炒飯幾有咬口,入面有d 薑粒幾過癮。甜品係腐竹薏米湯水,帶少少杰身,唔知點解個感覺似食緊牛奶麥皮,好食但甜左dd continue reading
(The above review is the personal opinion of an user which does not represent OpenRice's point of view.)
Level3 2018-12-21
325 views
行完太古城後就去搵食,突然想到酒樓食中菜,就選了玉桃軒。夜晚七點幾,酒樓已坐滿了客人,我們被安排坐於較入的位置,所以比較靜,啱囇傾偈。今餐吃得很健康,我們點了兩個素菜,一個燒味。上海蒜子湯豆苗 $108我最愛的豆苗,很翠綠,很嫩,加上少少蒜味吊下味,又不會太咸,鴻運燒味拼盤 $138燒肉個皮燒到脆卜卜,肉質軟腍,半肥半瘦,食下來非常可口,亦不覺得太肥膩,正!叉燒有水準,不會太乾太硬和嚡口,啖啖蜜汁味,每人數塊還是未夠喉。這個拼盤較特別,有肴肉。肴肉凍爽,而瘦肉不黏牙,亦沒有肥膩感。竹笙茄子豆腐煲 $98茄子豆腐切粒,份量十足,三款材料都好入味,茄子不會過腍,這個菜味道比較濃,佐飯一流。是日消費四百五十左右。 continue reading
(The above review is the personal opinion of an user which does not represent OpenRice's point of view.)