而打淥滷汁拌粉 (青衣城2) (Closed)

第一樣一定要讚係店舖員工非常有耐性和有禮貌笑容。離遠已見佢地落力宣傳，唔係玩手機出糧。我地嗌左個2人餐好正推介俾大家！！胡麻醬手撕雞冷麵嗰醬唔係淋係面咁簡單，而係已經撈好每一條麵都有醬汁， 每條麵都好有咬口，配料再加埋青瓜粒好清新。天氣咁熱食一流！ 豬三樣飯已經配搭好唔使傷腦筋揀，包括有 豬腳，豬耳，肉燥。三樣都大愛，大大隻豬腳好滿足，豬耳切左細絲超入味又夠淋。肉燥梗係攞嚟撈飯，呢個味係濃而不鹹，就係要呢種台灣既味道喇！ 仲有碗糖水+紙包飲品，相當豐富，甜度適中。 食唔哂老闆仲好鼓勵可以幫忙包成 外賣帶走。