GOGO Place

提早一個月訂間大房加麻雀檯仲俾埋訂金，但做節當日間房俾班「歌迷會」霸咗。店方唔單止冇做任何措施防止事件（例如為房間上鎖直至訂位人到），補救措施亦令人失望。喺一班老人家苦等嘅情況下，負責人遲遲唔到。預訂咗嘅大房變咗要一家老小逼埋喺細房食飯，但細房完全坐唔到兩圍人，更唔使講低消包埋嘅麻雀檯。

點解明明提早訂咗房，交埋訂金嘅情況下，可以俾一班訂咗細房，低消遠低於我哋嘅客人突然白撞入去並賴死唔走，仲反鬧我哋話佢book咗先（班無賴喺兩個禮拜前book，時間遲過我哋）？
點解店方明知房已經被預訂嘅情況下仍然唔同霸房客人商討移位，而係要我哋接受不合理嘅解決方案？

店方不願得罪過錯方，反而要委屈受害方，可見店方管理人員失職，老闆娘處事手法不妥。經此一事，永遠blacklist此食肆。廚師可另謀高就。