GOGO 為食坊

Open Now

Now Closed

一入去，環境乾淨企理，服務員態度都好熱情，落單嗰陣仲會畀啲好實用嘅推介。我第一時間就點咗個燒鵝雙拼叉燒，哇，呢個組合真係正到痹😍！燒鵝皮脆肉嫩，咬落去「卜卜」聲，油脂香同肉香完美融合，叉燒又夠甜夠入味，軟嫩得嚟又有咬口，我一邊食一邊諗，點解我唔早啲發現呢間店啊！🤦‍♀️ 仲點咗個椒鹽粟米，嗰個香味真係隔住幾張枱都聞到！粟米外脆內嫩，每粒粟米都均勻沾上咗椒鹽，咬落去好惹味，連平時唔點食粟米嘅朋友都忍唔住多夾咗幾啖🌽 飲品我就揀咗台式波霸珍珠奶茶，珍珠QQ彈彈，奶茶茶味濃郁，奶味又唔會蓋過茶味，吸一口，珍珠同奶茶一齊入口，真係好滿足！🧋 限量嘅雪燕楊枝甘露，芒果味超濃郁，雪燕大大粒又爽口，加上西米同柚子肉，口感豐富到冇朋友，一啖落去，感覺成個夏天都在嘴裡啦☀️ 另外，仲有個雪燕蛋白燉椰皇（時令），椰皇嘅香味好純正，雪燕同蛋白嘅搭配好養生，食完感覺自己即刻靚咗幾分😜

早兩日收工，去了GOGO為食坊，小炒熱飯，Foo還叫了鐵板牛排和糖水，各式各樣都同一餐飯可以食到，真高興。翡翠蝦球帶子 $148加$12轉套餐有白飯熱飲送熱杏仁霜蝦球好大隻，粉白蝦身圓滿滿的，一啖一大隻，完全塞滿整個咀巴。爽彈的口感，剛熟的狀態，好好食。帶子同樣大隻，彈滑的質地，份量亦不吝嗇，滿滿一碟蝦球帶子，愛海鮮的朋友們一定食得很歡喜。旁邊還有一大堆鮮炒西蘭花，硬脆口感，翠綠色澤，新鮮又健康。澳洲草飼肉眼 240g $158黑椒汁，五成熟，再跟白飯一碗送熱檸茶嫩肉香軟可口，熱板上的肉眼扒瞬即再熟一些，微粉狀態入口剛剛好。油脂分佈均勻，肉汁鎖在中間，鮮嫩滋味。白飯有炒底，粒粒飽滿分明。芒果西米露$38雪燕楊枝甘露$42飯後甜品，滿足另一個胃的食慾。西米粒粒圓滾滾，顏色通透有咬口。雪燕楊枝甘露除了有雪燕和楊枝甘露，還有一球圓圓的芒果雪糕。

晚上到左同事推薦，位於旺角嘅GOGO 為食坊, 餐廳食物選擇十分之多，中式有蒸炒小菜，西式早、午、晚餐，台式小食同牛肉麵，連燒味都有，沒有加一服務費，真係抵食。今晚點了佢推薦的川芎白芷天麻燉魚頭湯，湯嘅功效多，有祛頭風作用，川芎有行氣活血、止頭痛的功效，魚頭美味且含有豐富蛋白質，天麻煲更能除去腥味，此湯味鮮又有營，真係非常之唔錯。另外要了酸菜魚，滑嫩的魚片，配菜有酸菜、芽菜同萵筍，湯酸中帶點辣，夠酸也夠辣，令人食得十分開胃呀。

朋友極力推介呢個美食廣場，地道鑊氣十足，性價比超高！ ✨ 招牌燒鵝（例牌）🔥 皮脆到「咔嚓」聲！鵝肉嫩滑多汁，脂肪比例啱啱好，蘸埋酸梅醬更提鮮！仲有陣炭燒香氣，完全唔輸酒樓水準～ ✨ 蜜椒薯角牛柳粒 🐮 鑊氣小炒之王！牛柳粒外焦內軟，薯角炸到金黃脆口，蜜糖同黑椒嘅甜辣交織，食到停唔到口～ ✨ 金銀蛋浸時蔬 *波菜 🌱 健康之選！皮蛋鹹香、鹹蛋黃綿密，菠菜吸滿金銀蛋嘅濃郁湯汁，菜葉嫩綠無渣，暖胃又夠哂家常風味～ ✨ 每個套餐均配熱飲，加3蚊有凍飲，加8蚊有特飲，加12蚊有例湯，都好抵🤤例湯都超多料，唔係味精湯，值得嘅！🫘椰汁紅豆冰，椰香超濃郁，紅豆煮到起沙又保留粒粒口感，飲落透心涼又解膩🥥❄️

油尖旺一帶有很多連鎖餐廳，仲有好多收加一服務費，想搵間CP值又多野食揀，其就有好介紹#GOGO 為食坊 ，旺角朗豪坊走來5分鐘左右，而且地方夠大仲方便傾偈。✅懷舊砂鍋魚頭煲一上枱超香！一啲魚醒味都無，魚雲好滑，燒肉炒得香口，再落薑蔥系砂鍋度炒，非常入味。口感相當豐富。✅GoGo惹味小炒皇鑊氣十足！韮菜炒得好香，仲有油條，腰果，蝦乾。成碟份量又好多！整體口感脆中帶爽，且又有蝦乾既香。好食到停唔到😍極力推介👍🏻👍🏻✅瑤柱蛋白炒飯炒飯呈現得好乾身，粒粒分明，有些少油香，裡面有瑤柱、蛋白、蔥花，都食得出有炒飯香，非常好食！整體嚟講，價錢合理，服務好，座位寬闊, 地點亦方便。

位於旺角的GOGO為食坊，熱鬧的美食坊總是吸引著人潮，一進去便感受到濃厚的美食氛圍。鐵板漢堡扒伴薯條，漢堡扒外焦內嫩，搭配上香濃的醬汁，口感十足。薯條香脆可口，與漢堡扒的搭配簡直是絕配，讓整餐添加了滿足感。串燒系列，選擇了燒雞肉、燒白鱔、燒雞翼、燒牛肉和燒牛舌。每一串都烤得恰到好處，外焦內嫩，燒雞肉多汁，燒白鱔的鮮味令人驚喜，魚皮香脆可口，魚肉爽口彈牙。燒雞翼十分入味，肉質鮮嫩，燒牛肉和燒牛舌則展現了肉類的香氣，咬下去的瞬間，肉汁四溢，回味無窮。

在旺角人氣之地,  找到一間心水餐廳要介紹大家, GOGO 為食坊, 食物多選擇, 有中菜,  西餐, 日式及中西式甜品. 餐廳在一樓, 乘扶手電梯直達好方便.玻璃櫃內, 燒味多款, 看得吸引, 堂食外賣均可. 餐廳面積相當大, 有大圓檯, 梳化卡座, 環境闊落.   侍應招呼好. 我們兩人先叫了熱羅漢果茶, 熱西洋菜蜜.只要叫任何小菜,  每位加$20- 轉成套餐,   有湯, 白飯, 飲品.    每日有不同滋陰湯水, 並不是坊間的例湯.  今日星期三,  粉葛豬踭煲赤小豆湯, 足料, 熱熱的送上,  火喉夠, 濃濃粉葛豬肉味, 湯頭不錯.鮑汁柚皮鵝掌, 我最喜歡的傳統中菜.  擺設吸引,  柚皮全去青無苦味, 燜得軟稔入味, 配上巨型鵝掌, 油潤軟滑,  鮑汁味濃,  非常可口.薑蔥魚腩煲, 用瓦鍋上臺熱騰騰.  賣相吸引,  有鑊氣. 份量頗多,魚腩大大件,  少骨啖啖肉, 無腥味, 薑蔥鼓蒜, 真系好食, 入口惹味.  送飯一流 .白飯, 口感軟糯, 有品質.欖角冰梅骨 , 外表醬料比較深色.排骨脂肪含量低, 肉質稔滑,   用了欖角冰梅做醬料, 調味非常到位, 提升肉排香氣

係旺角今晚食泥間gogo為食坊，餐廳地方大，又夠濶落，仲有多種類型小菜，甜品，岩晒我地愛食飽飯再吹水人士😂蒜子火腩大鱔煲-鐘意食鱔，呢度忟得特別香，火腩肥瘦適中，火喉夠，非常惹味，正豉椒炒蟶子-今日仲做特價38蚊隻，店員介紹豉椒炒一流，果聖子鮮甜，無沙，好足料，口感一流生炒臘味糯米飯-冬天至愛，材料非常豐富，有臘腸，臘肉，蝦米，瑤柱及冬菇，惹味又飽肚生磨芝麻糊加湯圓-芝麻味濃，店員介紹是生磨，即做，所以特別香，甜永剛剛好，加入芝麻湯圓煙煙韌韌。完美熱西洋菜蜜-凍冰冰飲暖入心，味道清甜好正，食飽再點甜品直落，味道又不錯。正

今晚路經旺角彌敦道和砵蘭街之間，看到一間餐廳門前的菜單，列出多元化美食，包括粵菜、西餐、日式、台式等各款美食，非常吸引，於是入內一試。餐廳面積很大，有幾個區，有大圓枱和卡位，座位都寬敞舒適。裝修簇新，燈光明亮，牆壁有浮雕裝飾，很特別。我還是比較喜歡粵菜，便點了幾款。「雲吞雞」餐廳推介的美食，一鍋奉上，一隻特大雞髀，加八隻雲吞。雞肉鮮嫩而入味，雲吞爽滑，加上金湯，份外滋味。「柚子一字骨」份量不少，大大件，排骨多肉，汁多爽口，加上是剛剛炸好，香噴噴。配上酸酸甜甜的柚子醬，非常開胃。「薑蔥魚腩煲」原煲滾住上，熱騰騰。魚腩大大件，份量也不少，肉質新鮮，夠鑊氣。配上爆香的薑片、蒜頭、大蔥等，十分惹味。「南北杏雪耳燉木瓜」原盅上枱，材料豐富，原汁原味，清甜潤喉。「芥菜鹹蛋肉片湯」味道自然，無添加味精，有家的感覺。這裏的粵菜有水準，即叫即製，夠鑊氣，下次有機會再來嚐其他菜式。

晚飯在「GOGO 為食坊」，選擇多、品質不錯，價錢合理。先嘗開胃小食：gogo小食拼盤~ 魷魚鬚、台式肉腸、炸芝士、炸薯條和沙律菜，雖然是炸物，大家淺嘗分享不懼上火，也其樂無窮。惹味沙嗲三色串燒~豬、牛、雞，都咁美味，豬和雞肉質很嫩滑，燒牛肉串雖然略靭，但勝在夠鮮味。海王珊瑚燴伊麵~賣相不算吸引，滑蛋獻汁味鮮不鹹，伊麵甘香可口，麵質幼滑爽口，細細粒珊瑚蚌肉與細細粒蝦肉粒，一爽一滑，美味互相呼應。古鹽麴牛舌飯配台式波霸珍珠奶茶、西式餐湯~鹽麴是日本常用的調味料，由鹽和米麴發酵製成，風味鮮美且富含天然調味成分，厚切牛舌配合鹽麴烹調，牛舌肉質味鮮軟綿，熱騰騰的白飯吸收肉汁，吃得很滋味。雪燕蛋白燉椰皇~雪燕、蛋白、椰皇肉，一次滿足三款可口美味，十分滿足。香脆窩夫配雲呢拿雪糕~又是另一款的精采甜品，看到餐牌，發覺揾日來享用甜品下午茶也不錯，中、西、台式都有，非常吸引！

這間位於旺角的GOGO為食坊，食物款式很多，有燒味、廣東小炒、台灣餃子麵食、西餐意粉焗飯、日式丼飯串燒及中西甜品，款式多到令人眼花撩亂。南北杏雪梨煲魚湯&蘑菇湯雪梨魚湯味道清甜；蘑菇湯有粒粒蘑菇肉。明太子卡邦尼意粉意粉爽口，有些雜菌、煙肉及蟹籽，醬汁不會太多。叉燒拼燒腩仔叉燒半肥瘦梅頭肉，肉質嫩腍有陣陣蜜糖焦香；燒腩仔燒皮皮脆肉嫩。涼瓜炆䱽魚䱽魚即叫即蒸新鮮熱辣，而且都幾大條，入口啖啖肉，豉汁入味且魚肉嫩滑。雪燕蛋白燉椰皇蛋白嫩滑，加上椰皇味道清甜，女士至愛。陳皮蓮子紅豆沙陣陣陳皮清香，紅豆煲至至沙且不會太甜。

我上星期去咗旺角，行過見到呢間餐廳好多嘢食，中式西式正餐甜品串燒都有，正。雲吞雞 - $138一入到去見到隔籬枱食緊啲味，香到我哋都覺得正。雲吞皮薄而韌，餡料鮮嫩，雞肉嘅鮮香同清甜嘅湯底完美結合。每一啖都感受到濃郁嘅肉汁同埋雞嘅香味，令人回味無窮。蜜椒薯角牛柳粒 - $138薯角外脆內軟，搭配蜜椒醬的甜味，令整道菜更添風味。牛柳粒鮮嫩多汁又彈牙，同薯角嘅口感形成絕佳對比。惹味沙嗲三色串（豬牛雞） - $66這道三色串的肉類調味濃郁，沙嗲醬嘅香氣撲鼻而來。每一串都烤得恰到好處，肉質鮮美。雪燕蛋白燉椰皇 - $58這款甜品清新可口，雪燕滑嫩，椰皇香甜相得。燉煮出嘅椰汁讓整道甜品更加醇厚，我最鍾意刮啲椰肉出嚟食！佢哋好多嘢食㗎，羊腩煲仲有唔同小菜，連西餐意粉都有啊！下次可以再嚟！

門面光鮮顯眼，很容易就找到，餐廳環境大、頗為潔淨應該是新開張沒多久，座位多而且舒適。服務態度不錯，一入餐廳就馬上有服務員的熱情招待 。餐牌：Gogo為食坊內包羅萬有，除了食物及飲品款式多之外，吃飽後還有第二個胃想吃的中西式甜品 。雲耳百合蓮藕炒淮山：健康小炒之選，有薄薄的芡汁包裹住，百合清甜，西芹蓮藕份量多，幼嫩爽脆。京蔥鮮菌爆海參：京蔥和海參份量是最多，海參處理妥當無雪味 口感爽彈，以醬油口味爆炒，味道不錯，但油有點多。欖角冰梅骨：可見欖角份量多，梅的酸咸令排骨的油膩感減少，排骨肉質酥軟，連住骨的肉易咬開，開胃的菜很適合加$12 有白飯及飲品。姬松茸燉竹絲雞湯（位）：雞湯最有效補身的湯水，在冬天喝完全身都暖和；沒有太多調味，原汁原味的 。有細心地撇走湯面頭上的油，剩下的全是雞的精華，很讚。姬松茸足料又爽脆。

這間GOGO為食坊地方闊落，餐牌有好多選擇，中菜、台灣料理、西餐、日式，中西式甜品都有，連12 人既圍餐都有，價錢大眾化。胡鹽中蝦豆腐煲，熱度十足，一煲有十多隻中蝦，大隻鮮甜爽口，豆腐滑身又煎得香，加埋胡椒芡汁，味道微辣惹味，很好送飯。金銀蛋浸時蔬，份量大份，白菜清甜，大量蒜頭，咸蛋，皮蛋切粒舖面。每份主菜可加$20 有湯有飯有餐飲。麻辣豬肚絲，豬肚爽脆，份量大碟，味道辛辣惹味。甜品仲點了雪燕蛋白燉椰皇，好清甜滋潤，蛋白好滑。